Ndjekësi prej shumë kohësh i Ariana Grande është vënë sërish pas hekurave pasi hyri në shtëpinë e këngëtares në Montecito, Kaliforni, në ditëlindjen e saj të 29-të.
Aharon Brown, i cili ka shkelur në mënyrë të përsëritur urdhrat e kufizimit nga Grande në të kaluarën u arrestua të dielën pasi hyri në shtëpinë e saj ndërsa ajo ishte larg, tha një burim për TMZ.
Brown u arrestua gjithashtu në shtator 2021 pasi u shfaq në shtëpinë e kë ngëtares në Los Anxhelos me një thikë duke i bërtitur asaj dhe sigurimit të saj “Unë do të vras ty dhe atë”.
Page Six publikoi dokumente gjyqësore pas incidentit të shtatorit në të cilin Ariana iu lut Gjykatës së Lartë të LA që të jepte një urdhër ndalimi kundër Brown.
“Kam frikë, për sigurinë time dhe të familjes sime”, tha ajo në Gjykatën e Lartë të Los Anxhelosit.
Grande vazhdoi, “Kam frikë se në mungesë të një urdhri ndalimi, zoti Brown do të vazhdojë të vijë në shtëpinë time dhe të përpiqet të më dëmtojë fizikisht ose të vrasë mua ose anëtarët e familjes sime.”
Aharon u akuzua për përndjekje, vjedhje, dëmtim të linjave të energjisë, shkelje të një urdhri gjykate dhe pengim, për të cilat ai u deklarua i pafajshëm./Lapsi.al