Aktori Devin Ratray, i njohur më së shumti për rolin e tij në “Home Alone”, është nën hetim në NYC pasi u akuzua për sulm seksual ndaj mikes së tij në 2017.
Ratray, i cili luajti Buzz McCallister në filmin e suksesshëm të vitit 1990, dyshohet se sulmoi Lisa Smith në apartamentin e saj në Manhattan.
Smith pretendoi se aktori e kishte droguar para se ta sulmonte seksualisht. Ajo paraqiti një raport në polici menjëherë pas ngjarjes.
Aktori mohoi të gjitha akuzat kundër tij dhe deklaroi për mediat se nuk kishte abuzuar me Smith. Më pas, ai u arrestua për dhunë në familje pasi u akuzua se u përpoq të mbyste të dashurën e tij të atëhershme.
Ratray u lirua më vonë me një garanci prej 25,000 dollarësh dhe u deklarua i pafajshëm. Pas arrestimit të tij,Lisa filloi të pyeste pse çështja e saj nuk po hetohej.
Sipas CNN, çështja u mbyll sepse policia mendoi se ajo nuk donte të ngrinte akuza kundër Ratray.Por, Smith tani është “në kontakt” me zyrtarët që po trajtojnë rastin.
NYPD tha për The Post në një deklaratë, “NYPD i merr jashtëzakonisht seriozisht rastet e sulmeve seksuale dhe përdhunimeve dhe i kërkon kujtdo që ka qenë viktimë të paraqesë një raport policie në mënyrë që ne të mund të kryejmë një hetim gjithëpërfshirës dhe të ofrojmë mbështetje dhe shërbime për të mbijetuarit. ”/Lapsi.al