Reshjet e dendura të shiut dhe moti i keq mbrëmjen e djeshme kanë sjellë probleme në disa fshatra në qarkun e Lezhës. Aksi Rrëshen-Bukmirë ka pasura bllokime në disa pjesë të tij. Mësohet se për shkak të shiut ka pasur rrëshqitje të gurëve duke pamunduar qarkullimin e automjeteve.
Në Shëngjin, uji ka vërshuar në rrugë, duke krijuar vështirësi në lëvizjen e automjeteve dhe këmbësorëve. Ndërkohë nga moti i keq janë dëmtuar linjat elektrike e për pasojë kanë mbetur pa energji elektrike fshatrat e Zadrimës.