Juventus fiton, Allegri buzëqesh. Në Stadium, bardhezinjtë mposhtën Empolin me rezultatin 4-0, duke gjetur suksesin e dytë radhazi në kampionat: “Po fillojmë të dukemi si një ekip – komentoi trajneri në fund të ndeshjes –. Pasi e nisëm mirë futëm ujë një javë, që na kushtoi vonesën. Duhej t’i jepnim vazhdimësi suksesit të Torinos dhe djemtë bënë mirë kundër një kundërshtari që na vuri në vështirësi”.
“Në pjesën e dytë e ngritëm pak ritmin dhe Empoli ra, mendoj se në fund ishte një ndeshje e këndshme”. Juventus e mbylli në rritje: “Po përmirësohemi dhe ritmi në pjesën e dytë e dëshmoi këtë. Është një shenjë e mirë në nivel fizik. Kemi punuar mirë këtë javë, tani po mendojmë për Benfica duke u përpjekur të përmbysim rezultatin. Nuk kemi dalë ende nga Liga e Kampionëve. Duhet të kemi besim”.
Kean u zhbllokua pas një momenti të vështirë: “Ai u paraqit mirë në grumbullim në fillim të sezonit, pastaj pati një problem sepse nuk luajti shumë – komentoi Allegri për DAZN -. Ai po rritet mbi të gjitha mendërisht dhe unë jam i lumtur. Ashtu si jam për të gjithë ata që u futën në fushë gjithashtu. Po të ishte më i qetë Milik mund të shënonte”.
Allegri konfirmoi modulin 3-5-2: “Për sa i përket vetëvlerësimit, ky sukses do të ndihmojë sepse rezultatet na bëjnë të punojmë më mirë. Për skemën me Cuadrado dhe Kostic anësorë duhet t’i shfrytëzojmë sa më shumë, veçanërisht me skuadra të mbyllura si Empoli. Në pjesën e parë nuk qarkulluam shumë për nga karakteristikat, më në të dytën gjithçka shkoi më mirë”.
PAREDES
Paredes e nisi sërish nga pankina: “Leandro mbërriti në gjendje të keqe fizike dhe luajti gjashtë ndeshje sepse ishim në emergjencë. Sot ai bëri shumë mirë duke dhënë cilësi në trajtimin e topit, veçanërisht me një ritëm më të ulët. Në këto ndeshje më duhet një gjysmë anësor më shumë se ai dhe për këtë arsye i shpjegova përjashtimin me Empolin”.