Thomas Muller ndez sfidën kundër Paris Saint-Germain në vigjilje të kthimit në 1/8 e Ligës së Kampionëve. Sulmuesi gjerman, njeriu që ka dhënë më shumë assist për skuadrën e Nagelsmann, në rubrikën e tij “Müller-Mail” ka trajtuar temat e nxehta të ndeshjes. Një vëmendje të veçantë gjermani i ka dhënë Kylian Mbappe dhe efektit që mund të ketë ai në ndeshje.
Në fakt, ylli i parisienëve, kur hyri në fushë në sfidën e parë, trembi jo pak mbrojtjen e Bayern. “Kur ai doli në fushë ai tregoi menjëherë cilësitë e tij. Por ne nuk duhet të harrojmë realitetin. Një nga veprimet e tij më të rrezikshme ishte goli jashtë loje,” tha Muller duke u përpjekur të ulte tensionin e të tijve ndaj rivalit të tyre të fortë. “Një lojtar si ai është gjithmonë në vendin e duhur për të shënuar. Është e qartë se ai është një rrezik absolut. Ndoshta aktualisht lojtari që bën më shumë diferencën”.
Lexo më tej: Video/ Coman hesht Parisin, por nuk feston: Bayern fitues në Parc des Princes, Milan thyen tabunë Tottenham
Bayern do të ketë avantazhin e 1-0 të fiksuar nga Coman, por me PSG është e qartë se gjithcka mund të ndodhë. E Muller e lejoi veten të tregojë thuajse admirimin për kundërshtarin. Sigurisht me dëshirën edhe për të theksuar rëndësinë e suksesit të Bayern në fushën franceze: “Unë mendoj se është unike të kesh në skuadër dy lojtarët më të fortë në botë. Në Mynih do të luajmë gjithçka, jemi gati”, përfundoi gjermani për Sport1.