Skandali i Negreira, ndërhyn Laporta: “Barcelona nuk ka blerë kurrë arbitra e kurrë nuk do ta bëjë”

Joan Laporta mbron ashpër Barcelonën, që përfundoi në stuhinë e polemikave për çështjen Negreira. Klubi është ende në vorbullën e akuzave për pagesat milionere në kompaninë e ish-zëvendëspresidentit të arbitrave spanjollë. Alibia është se pagesat bëheshin për këshilla teknike dhe informacione mbi arbitrat nga viti 2001 deri në 2018. “Ne kemi përgatitur një konferencë për shtyp për të folur për këtë temë – shpjegoi presidenti Blaugrana -. Barça nuk ka blerë asnjëherë arbitra, as nuk ka ndërmend të blejë arbitra. Absolutisht kurrë. Forca e fakteve kundërshton ata që përpiqen të ndryshojnë historinë. Ne po shkojnë mirë sërish, asgjë nuk është e rastësishme”.

Laporta foli edhe për problemet ekonomike që kaplojnë Barcelonën. “Kemi tejkaluar kufirin e pagave dhe kjo e bën gjithçka shumë të vështirë. Por kur dëgjoj se nuk mund të blejmë… Sigurisht që mund të vijë një sulmues, por dikush duhet të largohet. Në mesin e fushës jemi mirë dhe kemi gjithashtu një akademi me lojtarë që do të vijnë në ekipin e parë. Xavi gjithashtu duhet ta bëjë këtë detyrë, të promovojë lojtarë të rinj. Një sulmues shtesë do të ishte mirë, por financiarisht nuk kemi burime të pakufizuara si një klub-shtet. Ne duhet të jemi të kujdesshëm”.

Në lidhje me rinovimin e Xavi, udhëheqës i një Barcelone pothuajse të pamposhtur në La Liga. “Ne kemi menduar tashmë për këtë, ai ka një stil të vërtetë. Ai është një njeri që nuk e tepron. Nuk kërkon gjëra të çmendura dhe e kupton situatën e klubit. Unë e kam vlerësuar rinovimin e Xavi”.

Lexo më tej: Pagesa korruptive, shantazhi e alzhaimeri i Negreira, Tebas kërcënon Barcelonën: “Laporta dorëhiqu”

EL PAIS: PROKURORIA GATI TË DENONCOJË BARCELONËN PËR KORRUPSION

Prokuroria spanjolle ka vendosur të padisë Barcelonën për korrupsion lidhur me pagesat e bëra nga katalanasit ndaj ish-zëvendëspresidentit të gjyqtarëve, José María Enríquez Negreira. Kështu raporton gazeta El País. Denoncimi evidenton si përgjegjës klubin dhe ish-presidentin Josep Maria Bartomeu bashkë me anëtarët e stafit të tij. Bashkë me ta edhe vetë Negreira, i cili dyshohet se ka marrë 7 milionë euro nga Barcelona midis 2001 dhe 2018. Barcelona ka qenë nën hetim që kur u zbulua se klubi i kishte paguar miliona dollarë gjatë disa viteve një kompanie që i përkiste zëvendëspresidentit të komitetit të arbitrave të federatës spanjolle.