Tension i lartë te Juventus, një moment delikat, i shënuar nga polemikat në lidhje me ndeshjen e Kupës së Italisë kundër Interit (1-1). Nuk ndihmoi të qetësoheshin ujërat as humbja (2-1) në kampionat kundër Lazio. Sa i përket ndeshjes në Olimpico, episodi i golit të parë të nënshkruar nga Milinkoviç-Savic vazhdon të shkaktojë diskutime. Serbi, sipas bardhezinjve, shkaktoi një faull ndaj Alex Sandro para se të finalizonte. Në këtë kontekst ka dhënë mendimin e tij Massimo Mauro, i cili doli krah Juventus.
Gjatë transmetimit të emisionit Pressing, opinionisti e ish-lojtari i Juventus Mauro e la veten të kalojë në një shpërthim të ashpër. E gjitha në lidhje me episodin e sipërpërmendur: “Si mund të thuash që kjo nuk është një shtyrje e qartë? Nuk do të isha i sinqertë nëse nuk do ta thoja. Është e qartë se Juventusi ka një problem me sistemin e futbollit”.
“Nuk e kuptoj pse falen sektorët e ultrasve të Lazios dhe Romës – vazhdoi Massimo Mauro –. E ndërkohë dënohet ajo e Juves. Ndaj indulgjencën ndaj tifozëve bardhekaltër dhe verdhekuq, por pse të dënohet Juventusi që, për më tepër, në dy orë gjeti përgjegjësit për fyerjet ndaj Lukakut?”.
Massimo #Mauro dopo #LazioJuventus: “La #Juventus ha un problema con il sistema calcio, c’è troppa disparità di trattamento…” pic.twitter.com/Rn2W51d139
— Juventus Fans (@juventusfans) April 9, 2023