Do të jetë një Juventus agresiv ai që do të dalë në fushë nesër në mbrëmje në San Siro, në gjysmëfinalen e dytë të Kupës së Italisë. Pas barazimit 1-1 në ndeshjen e parë me Inter, Danilo dhe të tjerët janë të detyruar të fitojnë për të arritur në finalen e Romës më 24 maj. Allegri, pas pankinës ndaj Napolit, rinis Vlahovic nga fillimi, me Di Marian dhe Chiesa në krahë. Një zgjedhje e guximshme, edhe pse sulmi bardhezi është në ngërç (5 gola në 7 ndeshje mes Serie A dhe Kupave). Perin do të jetë në portë, ndërsa Bremer duhet ta shohë veten titullar në mbrojtje. Edhe Alex Sandro është gati, ndërsa De Sciglio është favorit për të zëvendësuar Cuadrado të pezulluar.
Fillimisht Inter dhe më pas Bolonja për të kompletuar një tur force prej 9 ndeshjesh në një muaj. Në këtë periudhë Juventus rrëmbeu kualifikimin në gjysmëfinalet e Europa League, por pësoi edhe tre humbje radhazi në kampionat. Disfatat me Lazio, Sassuolo dhe Napoli, pavarësisht 15 pikëve të rikthyera, vunë në dyshim kualifikimin në Champions League. Pjesëmarrja evropiane rrezikohet më tej nga UEFA-n, që synon të ndëshkojë bardhezinjtë për sjellje josportive, në kontekstin e çështjes së fitimeve kapitale.
Lexo më tej: Zuliani ironizon Inter e FIGC: “E vetmja mungesë do jetë viktima e sherrit të provokuar nga Lukaku”
THATËSIRA E GOLAVE
Megjithatë, Allegri është i përqendruar ekskluzivisht në fushë dhe kohët e fundit flet për një sulm në krizë. Vlahovic nuk ka shënuar që nga penalltia e Freiburg në Europa League (16 mars). Serbi me aksion nuk shënon që nga shkurti. Goli i fundit i Milik është shënuar para dëmtimit të tij në fund të janarit. Chiesa është ende në të thatë në kampionat. Për të gjetur golin e fundit të Di Maria në kampionat, duhet të kthehesh në 19 shkurt kundër Spezia. Argjentinasi megjithatë herën e fundit që tundi rrjetër e bëri më 9 mars kundër Freiburg në Europa League. Sulmuesi i vetëm që gjeti rrugën e golit pas pushimit ndërkombëtar është Kean, i cili u detyrua të humbasë Inter për shkak të një problemi muskulor. Një dilemë e madhe për trajnerin e Juventus, që ka shumë nevojë për golat e sulmuesve në finalen e këtij sezoni.