Një aksident i rëndë raportohet në këto momente në rrugën dytësore Fushë Krujë – Thumanë. Një person me iniciale N. H., 46 vjeç, duke drejtuar automjetin ka humbur kontrollin dhe ka dalë nga rruga. Për pasojë ka humbur jetën pasagjerja, shtetasja B. H., 77 vjeçe.
Policia thotë se drejtuesi i automjetit është shoqëruar në ambientet e policisë për kryerjen e veprimeve të mëtejshme procedurale. Grupi hetimor ndodhet në vendngjarje dhe po punon për sqarimin e rrethanave të aksidentit. /LAPSI.al