Një boksier amator, Adam Abdallah, është arrestuar i akuzuar për agresion ndaj një arbitri futbolli. Sulmi e ka lënë asistentin me nofull të thyer në tre vende dhe nevojën për operacion. 25 vjecarit i është refuzuar lirimi me kusht nga gjykata, ndërsa gruaja e tij 5 muajshe shtatzënë mezi ka përmbajtur lotët.
Abdallah akuzohet se ka zbritur në fushë i tërbuar duke u konfrontuar me arbitrin në përfundim të ndeshjes në Padstow Park, në jug-perëndim të Sydney. Boksieri amator u bë protagonist i një çmendurie të vërtetë në futbollin amator në Australi. Greenacre luante kundër Padstow dhe vendimet e arbitrit Khodr Yaghi nuk i kanë pëlqyer aspak. Kështu, në fund të ndeshjes për turneun rajonal të Sydney, Abdallah zbriti nga tribuna në fushë dhe nisi të godiste me dhunë arbitrin Yaghi.
Si pasojë e goditjve arbitri ka pësuar thyerje të nofullës në tre vende. Ai i është nënshtruar një ndërhyrje kirurgjikale, që ka përfunduar me sukses. Abdallah, i arrestuar, në anën tjetër, ka dalë para gjykatës. Sipas dëshmitarëve ai e goditi arbitrin disa herë me grushta dhe pastaj me shkelm në kokë. Adam Abdallah akuzohet se lëndoi një peson me qëllimin për ti shkaktuar dëmtime të rënda fizike. Avokati i tij i tha trupit gjykues se klienti i tij nuk ka një histori të dhunshme, por kjo nuk mjaftoi që të lihej me kusht. Boksieri do të dalë sërisht në gjyq në qershor.