Një ngjarje e rëndë raportohet të ketë ndodhur dy ditë më parë në zonën e Astirit në Tiranë, ku u regjistrua një shpërthim me tritol.
BalkanWeb shkruan se ka qenë makina e një biznesmeni nga Vlora e cila u shkatërrua nga lëndë plasëse. Si pasojë e shpërthimit me tritol është dëmtuar pjesa e përparme e makinës dhe xhamit, por për fat nuk ka dëme në njerëz.
Sipas të njëjtave burime, para hetuesve biznesmeni ka deklaruar se dyshimet i ka për shkak të një borxhi, por pa dhënë emra konkret personash të dyshuar.
Po ashtu raportohet se autori ka qenë i maskuar, ndërkohë hetimet vijojnë për identifikimin dhe arrestimin e tij. Policia nuk ka dhënë një njoftim zyrtar deri tani për atë që ka ndodhur. /LAPSI.al