Është e pabesueshme ajo që ka ndodhur në orët e fundit brenda federatës së futbollit nigerian. Trajneri aktual José Peseiro, pavarësisht kualifikimit për Kupën e ardhshme Afrikane të Osimhen dhe shokëve të tij, është në dyshim. Ajo që është e paprecedentë është tjetër gjë. E ardhmja e tij në pankinën e kombëtares së Nigerisë do të vendoset përmes një sondazhi telefonik.
Megjithëse ai udhëhoqi Nigerinë në Kupën e Afrikës, të planifikuar në Bregun e Fildishtë nga 13 janari deri më 11 shkurt 2024, portugezi José Peseiro, trajneri aktual i Super Shqiponjave (kontrata skadon më 30 qershor), mund të zëvendësohet për shkak të një rendimenti të shënuar nga shumë ulje-ngritje dhe pak vazhdimësi.
Ndaj, për momentin nuk dihet se kush do të jetë trajneri i Nigerisë, e tërhequr në fushë nga Victor Osimhen, në funksion të Kupës së Afrikës. “Ne kemi vendosur që qytetarët të votojnë me telefon për të dëgjuar mendimet e tyre – tha Ibrahim Gusau, president i Federatës Nigeriane të Futbollit, në një program radio –. Është e drejtë që njerëzit të vendosin nëse Peseiro do të jetë ende trajner ose duhet të zëvendësohet”.
Lexo më tej: “Nga rrugët e Nigerisë në librat e historisë”: mesazhi i Didier Drogba emocionon Osimhen
Nëse shumica do të zgjidhte ndryshimin e pankinës, do të bëhej një anketë e mëtejshme për zgjedhjen e trajnerit të ri. E, në këtë drejtim, po merr drejtim hipoteza për mundësinë e zgjedhjes së një trajneri nigerian.