Mesfushori i Real Sociedad, David Silva ka mbetur viktimë e një episodi fatkeq. Spanjolli ka pësuar një dëmtim të rëndë që mund ta çojë atë në një tërheqje të parakohshëm nga bota e futbollit. David Silva pësoi një dëmtim të ligamentit të kryqëzuar të përparmë gjatë fazës përgatitore me Real Sociedad.
Një dëmtim i rëndë që do ta bëjë spanjollin të humbasë të gjithë sezonin futbollistik. Një goditje e keqe për fantazistin spanjoll që është 38 vjeç dhe që ndoshta do ta çojë atë në një tërheqje të parakohshëm. Në fakt, është e vështirë të rikuperosh një dëmtim si ky në një kohë të shkurtër. E duke pasur parasysh moshën, kohët zgjasin ndjeshëm. Nëse shkalla e dëmtimit konfirmohet, David Silva me siguri do të duhet të varë këpucët në gozhdë.
Lexo më tej: E kapi nga fyti dhe e hodhi përtokë: David Silva e pëson për sherrin me një grua gjatë pushimeve
ISCO ZËVENDËSUESI I TIJ?
Spanjolli me shumë mundësi do të trajtohet nga mjekët e klubit. E më pas do të shpallë tërheqjen nga futbolli në fund të sezonit. Një zgjedhje kjo për të mos e mbyllur i vetëm karrierën e tij prestigjioze. Real Sociedad tashmë është në kërkim të zëvendësuesit të David Silva dhe ka vënë syrin te lojtari i lirë Isco. Ish-lojtari i Madrid është në kërkim të një aventure të re në La Liga. Tashmë ka patur bisedime me menaxherët e tij për të kuptuar nëse ekziston mundësia dhe vullneti që lojtari të pranojë këtë destinacion.