Qeveria synon të bëjë të detyrueshëm sigurimin e të gjitha banesave në vend për t’i mbrojtur nga tërmetet. Pra, nëse nuk paguan sigurimin e banesës nga tërmeti nuk do të marrësh dot shërbime publike nga platforma e-Albania, as shërbimet kadastrale, ndërsa bizneset nuk do të marrin shërbime nga Qendra Kombëtare e Biznesit.
Kështu është parashikuar në nenin 33 të pr/ligjin për “Sigurimin e detyrueshëm të banesave nga tërmetet” i cili është hedhur tashmë për konsultim publik.
Primi i sigurimit duhet të paguhet me detyrim nga çdo individ person fizik ose juridik, vendas apo të huaj, pronarë ose përdorues të pasurive të paluajtshme në territorin e Republikës së Shqipërisë, pavarësisht nga niveli i shfrytëzimit të këtyre ndërtesave.
Të gjitha banesat dhe seksionet që ndodhen brenda banesave që përdoren si njësi shitje, zyra apo për qëllime të ngjashme e kanë detyrimin për të siguruar. Përjashtohen nga kjo taksë ndërtesat të cilat përbëhen nga argjile/qerpiç, strukturë me fibër – kallami ose të ngjashme dhe ndërtesa me vendosje të lëvizshme ose të përkohshme.
Sigurimi do të mbulojë vetëm dëmtimet në banesë duke përjashtuar dëmin tjetër pasuror (mobilet, pajisjet e brendshme, etj) dëmet në njerëz, përfshirë vdekjen, kompensim të dëmeve morale; shpenzimet në lidhje me heqjen dhe zhvendosjen e mbeturinave apo dhe humbjet financiare nga ndërprerja e biznesit dhe fitimi i munguar.
Sigurimi që paguhet nga poseduesit e banesave do të rinovohet çdo 1 vit dhe periudha e vlefshmërisë së policës së sigurimit është një vit. Ndërsa dëmshpërblimi paguhet brenda nëntë muajve.
Skema e sigurimit të detyrueshëm nga tërmetet do të menaxhohet nga Fondi Kombëtar për Tërmetet, i organizuar në formën e një shoqërie aksionare, në pronësi të shtetit dhe përgjegjës është Ministri i Financave.
Ka ngelur vetem Taksa e Diellit dhe ajo e Ajrit…..
Monopolin e Shoqerive te Sigurimeve kush e ka?
Filluan me siguracionet e makinave qe na i 10fishuan tani do rrjepin popullin me te varfer dhe me te trashe te botes, qe hiqet si me i vjetri ne Bote. Pikaaaaa vjetersise dhe historise se pa shkruar!
Monopolin e Shoqerive te Sigurimeve kush e ka?
Filluan me siguracionet e makinave qe na i 10fishuan tani do rrjepin popullin me te varfer dhe me te trashe te botes, qe hiqet si me i vjetri ne Bote. Pikaaaaa vjetersise dhe historise se pa shkruar!
Ky ligj bie ndesh me Kushtetshmerine e shtetit.
Ne se populli nuk ngrihet keta shume shpejt do tu pine edhe gjakun si vampir.
Si mund te me detyrosh te paguaj sigurim banese, ku eshte ne kushtetute . keta gjithe
problemin e kane qe tua pamundesojne mbijetesen njerzve qe ata te largohen.
Keta duan vetem te mledhin para per te bere qejf ne motele e hotele, per te ndertuar
resorte e per makina te shtrejta e luksoze. Kurre nuk ka shkelur mbi kete toke nje
pushtues kaq i eger e pa shpirt si keta. Zoti marrte hak, se popullit me sa duket i ka mbaruar
fuqia.
populli e shfryn inatin ne rrjete sociale.
Dhe prap kur te vije dita e shkundjes se votes populli do te zgjohet pa gdhire te shkoje e te shkunde voten pa dyshim qe pro eshte semundje e vjeter nga komunizmi kush te merr shpirtin te do. Palloshi i gjate si kalliri pa bukez u be mbret dhe ata jetuan te lumtur pergjithmone.