Rebel Wilson zbulon detaje nga incidenti në xhirime

Rebel Wilson është në rrugën e shërimit.

Të mërkurën, aktorja, u dha fansave  një përditësim se si po ia del pas një “aksidenti ” në xhirimet e filmit të saj të fundit. “Hej si jeni ?” Wilson filloi në një video të postuar në Instagram Story ku dukej qartë hunda e saj e lënduar. “Doja vetëm t’iu falenderoja për të gjitha urimet tuaja të mira. Unë në fakt jam shëruar ” vazhdoi ajo ndërsa ofroi një pamje nga afër të vendit ku kishte bërë qepjet e saj.

“Qepjet janë  nga aksidenti im në set javën e kaluar,” shtoi ajo. “Unë isha duke xhiruar një film  në Savannah, Georgia.” Rebel më pas vazhdoi të zbulojë se si ndodhi lëndimi i saj aksidental në xhirimet e filmit aksion, i cili quhet Bride Hard. “Në mes të një xhirim u godita në fytyrë me qytën e armes,” zbuloi ajo. “Pra, ishte një aksident dhe ishte një tronditje. Por për fat të mirë po shërohem shumë mirë, kështu që doja të falenderoja për urimet.”

Aktorja e Pitch Perfect zbuloi dëmtimin e saj javën e kaluar në një foto të postuar në  Story. Në selfie, Wilson u pa me një hundë të mavijosur, të gjakosur dhe të fryrë.  “Jo ashtu siç doja ta mbyllja këtë film! 3 qepje dhe në spital mbrëmë pas një aksidenti  në orën 4 të mëngjesit”.

Filmi ishte në gjendje të vazhdonte xhirimet pavarësisht nga greva e SAG-AFTRA pas negocimit të një marrëveshjeje të përkohshme dhe sepse është një film i prodhuar në mënyrë të pavarur. Në të gjithashtu luan aktorin Jeff Chase, 55 vjeç, dhe drejtohet nga regjisori i  Lara Croft: Tomb Raider, Simon West./Lapsi.al