Një aksident i rëndë ka ndodhur në Prishtinë, ku një makinë ka dalë nga mbikalimi dhe ka përfunduar në aksin e nënkalimit, për pasojë një 17-vjeçar ka ndërruar jetë nga plagët e marra.
Aksidenti ka ndodhur rreth orës 03:00 të mëngjesit të së hënës, ku në makinë po udhëtonin 3 persona, mes tyre edhe i mituri që humbi jetën. Shef i repartit të mjekimit intensiv në Kosovë, Shaqir Uka tha se 17-vjeçari nuk ia doli dot të mbijetonte.
Ende nuk dihet arsyeja e aksidentit, por dyshohet se shoferi ka humbur kontrollin e mjetit.