Vuan por fiton Arsenal, që bën dy në dy në Premier League, duke mundur 1-0 Crystal Palace në një sfidë të vështirë. Pasi ndërtuan shumë raste me Nketiah, Gunners kaluan në avantazh në minutën e 54′ me një penallti të shndërruar në gol nga Odegaard. Dukej si preludi i një finaleje të lehtë, por Tomiyasu u përjashtua për dy të verdha dhe Eagles rifituan guximin. Arsenal arriti të mbronte epërsinë, duke barazuar Brighton dhe Man City në kuotën e gjashtë pikëve.
Arsenal e pati shumë më të vështirë se pritej, por mori fitoren e dytë radhazi në Premier League. Crystal Palace u dorëzua 1-0 falë penalltisë së Odegaard në minutën e 54′. Gunners dominuan në fillim, duke ndërtuar lojën e tyre në krahun e majtë me një Bukayo Saka shumë të frymëzuar. Shanset e para erdhën pas gjysmës së pjesës së parë, me Nketiah të ekzaltuar. Fillimisht ai e detyroi Johnstone të bënte një pritje shpëtimtare. E më pas, pas rreth gjysmë ore, ai e kaloi portierin me një prekje të butë, por goditi traversën. Në minutën e 42′, pati një tjetër rast për Gunners me Odegaard, por portieri devijoi mbi traversës dhe mbrojti 0-0 e skuadrës së Roy Hodgson në pushim.
Lexo më tej: Video/ Tottenham bëhet i frikshëm, në Londër United rrëzohet 2-0: Liverpool përmbysje me 10 lojtarë
ME 10 LOJTARË
Skenari nuk ndryshoi në pjesën e dytë, me shpërthimet e improvizuara të Jordan Ayeë që kundërshtonin dominimin territorial të Arsenal. Goli i merituar, për të besuarit e Arteta, erdhi në minutën e 54′ me penallti. Nketiah u pengua nga Johnstone dhe Odegaard e transformoi me shumë gjakftohtësi. Ndeshja u duk e siguruar për Gunners, të cilët, megjithatë, mbetën me dhjetë lojtarë në minutën e 67′. Kartoni i dytë i verdhë (në tetë minuta) për Tomiyasu, detyroi teknikun Arteta të mbrohej me Jorginho për Nketiah. Arsenal kaloi në panik në inferioritet numerik. I gjithë Crystal Palace u derdh në gjysmën kundërshtare të fushës dhe sulmoi rivalët e tyre. Pas disa minutash hutimi, Gunners u mbyllën me një mbrojtje prej pesë lojtarësh, duke mbrojtur rezultatin. Fituan me meritë 1-0 djemtë e Arteta, të cilët arrijnë në krye të Premier League Brighton dhe Manchester City me pikë të plota.