Romelu Lukaku është sulmuesi i ri i Romës e verdhekuqtë mezi po presin ta kenë mes tyre. Mourinho nën urdhëra, tifozët në skuadër dhe Friedkin për të përmbushur ambicjet e tij. Të gjithë mezi presin që aventura të nisë, aq sa Lukaku do të mbërrijë në bordin e një avioni privat, të drejuar nga vetë presidenti Dan.
Do të jetë një ulje spektakolare, si ajo e José Mourinho dy vjet më parë. Ai Mou, me të cilin përjetoi një marrëdhënie dashuri-urrejtje në dy përvojat e mëparshme në kohën e Chelsea dhe Manchester United. E pavarësisht kësaj, vlerësimi është maksimal: “Për të do të shkoja kundër një muri me tulla dhe ai e di këtë”. Por edhe si ajo e Paulo Dybala një vit më parë. Ai Dybala që tani është partneri i tij në një sulm që premton gjëra të mëdha. Roma dhe qyteti verdhekuq po përgatiten të mirëpresin Romelu Lukaku, sulmuesin që Special One e ka pritur prej muajsh.
Belgu do të merret në Bruksel, ku ka qendruar ditët e fundit ndërsa negociatat e ngushta midis Friedkin e Tiago Pinto nga njëra anë dhe drejtuesve të Chelsea nga ana tjetër po zhvilloheshin në Londër. Lukaku do të hipë në aeroplanin privat të pilotuar nga vetë presidenti Dan Friedkin i cili do ta çojë në kryeqytet, në aeroportin Ciampino. Mbërritja pritet pas orës 17:00, kur në pritje të tij do të ketë një vërshim tifozësh verdhekuq që tashmë po ëndërrojnë gjëra të mëdha.
Lexo më tej: Mou zbulon prapaskenën ‘Lukaku’; me një detaj: “Do të mbërrijë një sulmues pas Azmoun. Ma tha Pinto”
SHIFRAT E TRATATIVËS
Roma dhe Chelsea kanë arritur një marrëveshje mbi bazën e një huazimi njëvjeçar deri më 30 qershor 2024 për 5.8 milionë euro. Lukaku ka ulur pagën e tij dhe tani do të përfitojë 7.5 milionë neto nga Roma (në Premier League ishte 12 në vit). Verdhekuqtë do të mund të përfitojnë nga lehtësimi i taksave që është e natyrshme në Dekretin e rritjes. Nga ana e saj, Chelsea nuk do të kontribuojë në pagë, por do t’i paguajë sulmuesit pagat e korrikut dhe gushtit. Blues kanë rënë dakord gjithashtu me belgun Lukaku për përfshirjen e një klauzole lirimi – që mungonte në kontratën e mëparshme – prej 37 milionë paund (43 milionë euro). Kjo do t’i lejojë klubit anglez të mos pësojë humbje kapitale në rast shitjeje.