Edi Rama ka prodhuar sot dy lajme. Atë të ndryshimeve në qeveri dhe atë të caktimit se cili është kreu i grupit parlamentar të opozitës. Ngaqë emrat e ministrave, as të atyre që ikin, as të atyre që vijnë nuk i njeh njeri, debati i dytë ka zënë më shumë vend në media dhe në publik. Ai ka filluar kur kryetarja e kuvendit Lindita Nikolla njoftoi, në hapje të punimeve, se nga PD i ka ardhur një shkresë, ku i kërkohej që Lulzim Basha të njihej si kryetar i grupit kryesor të opozitës.
Njoftimi i Nikollës që u shoqërua nga gajasja e deputetëve opozitarë e ka një histori. Në korrik, me anë të një farse, Basha u rizgjodh kryetar i një grupimi që e quan PD. Ai mblodhi fundjavën që sapo kaloi forumet e këtij grupimi dhe vendosi që do të jetë edhe kryetar i grupit parlamentar.
Pikërisht këtë estradë Rama dhe Nikolla e marin të mirëqenë duke e trajtuar Bashën si kryeopozitar. Në të njëjtën kohë me atë që ndodhte në kuvend, në Komisionin Qëndror të Zgjedhjeve po diskutohej se kush do ta mbante siglën e PD në zgjedhjet e pjesshme lokale të Kukësit. Edhe aty farsa riprodhohej në përmasa më të vogla. Ndonëse grupimi i Berishës në garën lokale të 14 majit mori mbi 500 mijë vota, pra pesëfishin e atyre që mbajnë vulën dhe që nuk nxorrën dot kandidatë në 2/3 e vendit, sërish KQZ vendosi se opozita përfaqësohet nga Basha.
LEXO ME TEJ:
Basha mbledh mbetjet e vulës. Ata që janë larguar e masakrojnë
Pra nuk ka më dyshime se rreth nja dhjetë deputetë, që i qëndrojnë Lulzim Bashës nga pas, janë vegla në duart e regjimit të Ramës.
Gazmend Bardhi dhe ata 19 deputetë që e mbështesin janë nga të fundit që e kuptuan këtë. Ata i shkuan ish kryetarit nga pas kur përjashtoi Berishën, kur organizoi kuvendin fallco të 18 dhjetorit 2021, kur mbrojti selinë e PD me trupa paramilitare dhe sambistët e Ramës e madje edhe në zgjedhjet e pjesshme lokale të marsit 2022. Vetëm pasi Basha dha dorëheqjen pas katastrofës elektorale dhe mbeti gjithnjë e më i izoluar, ai filloi të lidhej me pushtetin, emisarët e Edi Ramës dhe Taulant Ballën.
Andi Bushati: Mos e shani Bashën, qeshni me të!
Sipas një burimi për Lapsi.al brenda këtij grupimi, vetëm pasi doli videoja e takimit sekret, Basha- Balla dhe pasi u pa se Alibeaj me porosi të atij që qëndronte në hije, firmoste në emër të PD për t’i dhënë komisionerët e Vaut të Dejës, Tom Doshit lindën dyshimet e para tek Bardhi dhe të tijët, se ish kryetari i tyre kishte rënë në prehërin e pushtetit.
Pika që derdhi gotën ishte ajo kur Basha vendosi të rikthehet dhe dërgoi një tufë banditësh të shantazhonin anëtarët e të ashtuquajturës kryesi që qenë kundër këtij vendimi. Nga kjo pikë Bardhi dhe rreth 19 deputetë u ndanë përfundimisht nga Basha.
Tratativat për bashkimin e grupit të PD/ Si janë ndarë palët?
Një pjesë e tyre ia plasën të qeshurës dhe u shkrinë në lot kur Lindita Nikolla paralajmëroi se do ta njihte atë si kryetar të grupit demokrat. Gaz Bardhi, i cili është i zgjedhur me shumicë votash në këtë post, u ngrit në tribunë dhe i tha Nikollit se nuk e zgjedh dot as Rama as Veliaj shefin e grupit të opozitës. Ndërsa kamerat nga larg e kapën duke i thënë Bashës nga afër: “Shko more qesharak! Hipokrit”.
E bukura ishte se as kur deputetët e PD gajaseshin me të, as kur Bardhi i tha qesharak, Bashës nuk i lëvizte asnjë muskul në fytyrë . Ai shfaqej në ekran si një statujë dylli që nuk i bënte përshtypje asgjë. Vetëm më pas, ndoshta ngaqë e ka që u bë baltë, Basha doli para shtypit dhe njoftoi se nuk do ta kryejë vetë funksionin e kreut të grupit, por se do ia delegonte atë njërit prej nënkryetarëve që akoma askush nuk e di se cilët janë.
©Lapsi.al
Ketij nuk i ka ngel me asnje pike yndyre si njeri, i neveritshem, pa integritet.
A mund të na informoj SPAK nëse objekti i hetimit të tij është Sali Berisha i akuzuar publikisht për gjithë krimet e mundshme në menu, nga krime kundër njerëzimit me urdhërin e bombardimit të jugut në ’97 (kjo e vërtetuar nga dëshmitë e pilotëve, që u ulën në Itali) apo Shpërthimin në Gërdec, deri tek krimi me lejet e ndërtimit, siç është rasti i kompleksit partizani, që ja dha dhëndrit të tij. Jam shumë i sigurtë që publiku do ishte shumë i interesuar.
Po ik o skorje se tkishin gjë për berishën do i kishin care trapin deri tani nëpër spakra
Bushatit i qenka bere fiksim Basha. Nuk e mendonja qe Basha do ti nxirrte nga kulisat gjithe antiamerikanet e kapur nga mafia politike e ketyre 32 viteve.
Edhe putini nuk e ka caktuar ndonjehere kush eshte kreu i opozites ne rusi.Ai i ka vrare i ka burgosur i ka masakruar,por kurre skemi degjuar te ligjeroi kryetarin e opozites..Kjo eshte maskarada me e madhe qe perendimi me ramen,velin dhe nikollen i bejne shqiperise.Edhe ne vendet koloniale pushtusi emeron qeverite,por kurre opoziten. Nje vend te huajt e pushtojne e masakrojne e coptojne,por eshte e para here ne istorine e ketij planeti,qe emerojne kush duhet te jete opozita dhe kush duhet te jete kryetari i saj.Shqiptaret jane pushtuar nga turqit,serbet,greket,italianet,gjermanet,jane masakruar nga komunistet,por sot shqiptaret jane te pushtuar nga brukseli.Shqiperia eshte koloni e brukselit dhe rama eshte i emeruari i tyre.Turp.Shume turp.Ky eshte fundi i demokracise ne europ.Drejtuesit e brukselit po groposin europen.Europa po shkon me shpejtesi drejt groposjes se saj.Fundi i i europes eshte e afert.Mbajeni mend 2030 nuk eshte bashkimi i ballkanit perendimor ne europ,por shperberja e Bashkimit Europian.
Basha turpin e ka ngrene me kohe por amerikanet kane shkaterruar PD dhe pluralizmin dhe jane bere direkt armiq me 500.000 shqipetare
muhabet bythqirash
ik o lulesim i kop-it dhe hajduti ali baba i rruges se kombit