Udhëheqësi çeçen Ramzan Kadyrov është shfaqur në një video në internet vetëm pak ditë pasi u raportua se aleati kryesor i Vladimir Putinit ishte i sëmurë rëndë. Në një video të postuar në llogarinë e tij në Telegram, lideri i republikës jugore ruse filmoi veten duke ecur nëpër shi në një vend të paspecifikuar. Në video shihet një shteg asfalti dhe një varg pemësh.
“Unë këshilloj fuqimisht të gjithë ata që nuk mund të dallojnë të vërtetën nga gënjeshtrat në internet, të bëjnë një shëtitje në ajër të pastër dhe të vendosin mendimet e tyre në rregull” – shkroi Kadyrov në komentin e dy videove të ngarkuara në mediat sociale të dielën. Mediat perëndimore thanë se nuk ishin në gjendje të verifikojnë në mënyrë të pavarur se kur dhe ku është regjistruar videoja që tregon Kadyrov.
Videoja vjen pasi një zëdhënës i inteligjencës ukrainase i tha gazetës evropiane lindore “Nexta” se Kadyrov, i cili mori postin e udhëheqësit çeçen në 2007, “ka qenë i sëmurë për një kohë të gjatë dhe po flitet për probleme sistematike shëndetësore”. Kadyrov “ka qenë në një gjendje shumë të rëndë ditët e fundit” – tha Andriy Yusov, një zëdhënës i Drejtorisë Kryesore të Inteligjencës të Ukrainës, për gazetën ukrainase Ukrinform. Pati edhe raportime akoma më të rënda.
“Disa thonë se ai tashmë ka vdekur, disa se ai është në gjendje kritike dhe ka rënë në koma për shkak të dështimit të rëndë të veshkave ose ishte helmuar” – tha Anton Gerashchenko, këshilltar në Ministrinë e Brendshme të Ukrainës, në një postim për “X”. Raportimet sugjerojnë gjithashtu se Kadyrov ka fajësuar mjekun e tij, Elkhan Suleymanov se është përpjekur ta helmojë atë.
A video of Kadyrov walking in the rain has appeared on his Telegram channel.
In the video, he says: "Do sports". He says something else, but I can't make head nor tails of what he says. Maybe someone in the comments will understand him?
The caption under the video:
"I highly… pic.twitter.com/END6yUgF44
— Anton Gerashchenko (@Gerashchenko_en) September 17, 2023
Një kanal Telegram në gjuhën ruse me më shumë se 224 mijë abonentë raportoi këtë të diel se Kadyrov kishte vdekur gjatë fundjavës, megjithëse nuk dha prova për ta mbështetur këtë pretendim. Një media ukrainase raportoi gjithashtu më herët të dielën se udhëheqësi çeçen kishte vdekur të shtunën në mbrëmje, me orën e Moskës, pa dhënë më shumë prova.
Kadyrov është një nga aleatët më të vendosur të presidentit rus Vladimir Putin dhe ekspertët sugjerojnë se lideri çeçen është shumë i varur nga Kremlini për të ruajtur pushtetin e tij. Putin dhe Kadyrov kanë një “marrëdhënie baba-bir”, por një marrëdhënie që varet nga “varësia reciproke”, thonë ekspertët për Newsweek. Ai ka dhënë publikisht mbështetjen e tij pas pushtimit të Ukrainës nga Moska dhe ka angazhuar luftëtarët çeçenë në përpjekjet luftarake të Rusisë. ©LAPSI.al
kriminel bastard me pagese ruse
i vetmi kriminel eshte biden ketu