Paraqitjet e luhatshme të Juventus në fillim të sezonit po ngrenë pakënaqësi edhe përtej oqeanit. Kritikat e fundit për idetë taktike të Max Allegri vijnë nga Shtetet e Bashkuara dhe janë firmosur nga John McKennie. Duke komentuar një postim në X në të cilën i kërkohej tifozëve një mendim për punën e teknikut, babai i Weston nuk ka lënë gjë pa thënë: “Vendose McKennie në mesfushë! Weah në krah! Kanë treguar se luajnë mirë në pozicionet e tyre përkatëse!”.
Që kur u kthye nga huazimi i tij nga Leeds gjatë verës, McKennie ka qenë në gjendje të sigurojë një rol pothuajse të përhershëm titullar për veten në 3-5-2 e Max Allegri. Amerikani ka nisur nga 1′ në të gjitha 5 ndeshjet e fundit të kampionatit. Ai shërbeu edhe një asist në fitoren në shtëpi ndaj Lazios, por gjithmonë duke luajtur në krahun e djathtë, një pozicion mjaft i pazakontë për të. Në vizionin e trajnerit, ish-lojtari i Schalke 04 garanton një ekuilibër më të madh se bashkëkombasi i tij Weah. Ai ishte titullar në 2 javët e para, por luajti vetëm pak minuta kundër Lecce dhe Atalanta.
JOHN MCKENNIE: “KAM IDETË E MIA, POR NUK DUA SHKARKIMIN”
Pas disa orësh, John McKennie ka dashur të sqarojë se fjalët e tij nuk nënkuptonin një kërkesë për shkarkimin e teknikut Allegri: “Unë kam mendimet e mia, por kurrë nuk do të dëshiroja që dikush të shkarkohej! Në fund të fundit, çdo trajner ka planin e tij, që jo detyrimisht duhet të të pëlqejë. Edhe unë jam tifoz, por ai është trajner! Mos i nxjerrim fjalët jashtë kontekstit!”.