Pas rikuperimit 2-2 të pësuar nga Bolonja në San Siro, Simone Inzaghi përtypet hidhur. “Unë jam i zemëruar dhe lojtarët po ashtu. Është hera e dytë që jemi përpara dhe nuk e fitojmë ndeshjen – tha tekniku i Inter për DAZN -. Në rastin e parë humbëm ndaj Sassuolo, sot barazuam”. “Në pjesën e parë shënuam dy gola dhe mund të kishim shënuar sërish. Por dy golat që pësuam erdhën nga dy pakujdesi tonat – shtoi ai -. Në rezultatin 2-2 pastaj ishte një monolog, por ishim të pasaktë”.
“Në rezultatin 2-0, me atë që prodhuam dhe me qëndrimin e skuadrës në fushë, nuk e pranoj këtë barazim – vazhdoi Inzaghi -. Tekniku pastaj analizoi pësimin e rikuperimit të Bolonjas: “Është futboll, duhet të rritemi dhe të punojmë më shumë. Na mungoi përqendrimi. Në rezultatin 2-0 nuk duhej të lejonim rihapjen e ndeshjes – vazhdoi ai -. Penalltia e 2-1 i dha energji Bolonjës, që e dimë se është një ekip cilësor”.
Lexo më tej: Video/ Acerbi e Lautaro nuk mjaftojnë: kthesë e bujshme e Bologna me Orsolini e Zirkzee, bllokohet arratia e Inter
“Në golin 2-2 mund të kishim mbyllur më herët dhe ta mbulonim fushën më mirë. Këto janë pikë gjaku të humbura që nuk më rrinë mirë – shtoi trajneri zikaltër -. Pas 2-2 ne krijuam shumë dhe humbëm disa mundësi të rëndësishme. Një ekip me përvojë si i yni, megjithatë, duhet të qëndrojë i fokusuar pas epërsisë 2-0. Zëvendësimi i Thuram? Zgjedhje teknike…”. Në fund, për parakalimin e mundshëm të Milan në renditje, Inzaghi bën indiferentin: “Ne duhet të mendojmë për çdo ndeshje të vetme. Ne jemi zotër të fatit tonë, nuk kemi pse të shikojmë të tjerët”.