Nuk ishte shfaqja e pare e ndoshta nuk do të jetë e fundit. Max Allegri, pavarësisht se Juventus ishte në avantazh, por ndoshta edhe më shumë për këtë, në minutat e fundit të ndeshjes në San Siro pati shpërthime nervoze. Tekniku bardhezi goditi me shkelma tabelat e reklamave dhe shishet e ujit, duke bërtitur me të madhe. Allegri pastaj flaku fillimisht xhaketën e më pas edhe kravatën.
Arsyeja? E zakonshme: një menaxhim i pakujdesshëm i fundit të ndeshjes nga skuadra e tij. Lojtarët ishin fajtorë se luajtën topin në mënyrë shumë të rrezikshme. E për rrjedhojë u ekspozuan ndaj kundërsulmeve kundërshtare, në vend që të zgjidhnin rrugën e thjeshtësisë dhe sigurisë. Vetë trajneri e konfirmoi pas ndeshjes: “Në minutat e fundit, kur je përpara, nuk duhet të sforcosh lojën, por të shkosh për goditje të sigurta. Pra, pa driblime, pa ndërhyrje, pa pasime në hapësira të ngushta”.
— Whistle FC (@WhistleFC) October 22, 2023
Lexo më tej: Video/ Juventus triumfues në San Siro: ish-i i kuqezinjve Locatelli fundos Milan me 10 lojtarë
BUZËQESHJA E RABIOT
Interesant komenti i Rabiot, për herë të parë nga minuta e parë me shiritin e kapitenit dhe ndër më të mirët në fushë. Kur gazetari e pyeti nëse e kishte parë shfaqjen e Allegri, francezi tha: “Përpiqem të jem gjithmonë i fokusuar në fushë, sidomos në minutat e fundit – tha francezi me një buzëqeshje argëtuese -. Por trajneri është i tillë. Ai gjithmonë dëshiron të fitojë dhe të japë 100% deri në fund. Ai na jep kështu energji, është i zoti trajneri”.