Një aksident i rëndë me pasojë vdekje ka ndodhur mbrëmjen e së martës në Tapizë, Krujë. Një 22-vjeçare, e cila drejtonte një automjetin tip “Fiat”, ka përplasur për vdekje një 56-vjeçar. Policia ndodhet në vendin e ngjarjes dhe po heton për rrethanat e aksidentit.
Njoftimi i policisë:
Në datë 07.11.2023, rreth orës 22:35, në Tapizë, shtetasja E. T., 22 vjeçe, duke drejtuar automjetin tip “Fiat”, ka aksidentuar shtetasin B. Xh., 56 vjeç, i cili si pasojë ka ndërruar jetë në vendngjarje.
Në vijim të veprimeve u bë arrestimi i 22-vjeçares dhe materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.