Suki Waterhouse tregoi barkun e saj të rrumbullakosur në një selfie të hënën, pasi konfirmoi se ishte shtatzënë me fëmijën e parë të saj dhe Robert Pattinson.
“Faleminderit për një kohë kaq të bukur në Meksikë!” shkruajti aktorja në një përmbledhje fotosh në Instagram nga koha e saj në Festivalin Corona Capital.
Artistja vuri në dukje barkun e saj gjatë setit të saj në Mexico City gjatë fundjavës pas muajsh spekulimesh për shtatzëninë. “Vendosa të vishja diçka veçanërisht të shndritshme sot, sepse mendova se mund t’ju shpërqendronte nga diçka tjetër që po ndodh,” i tha Waterhouse audiencës.
Ajo bëri shaka se nuk ishte “e sigurt se po funksiononte”.
Para zbulimit të saj të madh, burimet i thanë Page Six se Waterhouse dhe Pattinson ishin “të emocionuar” që po fillonin një familje. Çifti janë në lidhje që nga viti 2018, por janë shumë privatë, duke bërë debutimin e tyre në tapetin e kuq në fund të vitit të kaluar.
Edhe pse dyshja rrallëherë flasin për njëri-tjetrin në intervista, Suki foli për “tronditjen” e të qenit me dikë për pesë vjet ndërsa bisedonte me Sunday Times në shkurt 2023. “Ne gjithmonë kemi kaq shumë për të thënë, dhe mua më duket qesharak”, tha ajo në atë kohë./Lapsi.al