Adoleshentët e aksidentuar mbrëmë në aksin rrugor Stjar–Bajkaj, janë nisur për mjekim të specializuar drejt Spitalit të Traumës në Tiranë. Lajmin e konfirmuan bluzat e bardha të spitalit të Sarandës.
Të miturit F. H. 13 vjeç dhe O. K. 14 vjeç u dërguan me ambulancë drejt Traumës. Ndërsa 14-vjeçari me iniciale A. D., që ishte plagosur më rëndë, u transportua drejt spitalit të Traumës me helikopter në mëngjes. Automjeti me të cilin po udhëtonin adoleshentët doli nga rruga dhe përfundoi në përrua.