Thashethemet janë ndezur në Argjentinë pas lajmit për një festë të nxehtë private në një vilë në Pilar. Në këtë festë, dyshohet se kanë marrë pjesë edhe disa futbollistë argjentinas pas disfatës ndaj Uruguajit. Në këtë ndeshje, Argjentina doli e mundur 2-0 në Buenos Aires, me dygolëshin e Nunez.
Festa ishte plot me modele dhe influencer të cilave iu kërkua të mos bënin video apo foto. Një festë sekrete pa të dashura dhe gra, të cilën shumë e spekulojnë në stilin “Eyes Wide Shut”. Në këtë festë nuk ishte Leo Messi, i cili nuk pranoi të festonte pas disfatës ndaj Uruguajit në eliminatoret e Botërorit. Në të njëjtën kohë trajneri Scaloni pati një debat të fortë me disa lojtarë. “Festa që e bezdisi më shumë trajnerin Scaloni ishte ajo që u zhvillua pas ndeshjes me Uruguajin, në të cilën u dërguan vajza të reja – tha një taksist për një radio argjentinase –. Atyre iu kërkua të mos merrnin celularët me vete”.
Lexo më tej: “U rrezikua masakra”. Dhuna në Brazil-Argjentinë, urdhëri i Messi: “Të gjithë jashtë fushe”
Dybala, Paredes e Di Maria
Emrat e lojtarëve te Argjentina, që dolën në media, janë ata të Dybala, Paredes dhe Di Maria. Fillimisht u përfol se ishte festa e beqarisë së Joya, më pas lamtumira e kombëtares së Fideos, por në realitet të dyja hipotezat u mohuan. Partnerja e Paredes, Camila Galante, foli për këtë çështje dhe deklaroi për “Socios del Espectáculo”: “Unë i besoj burrit tim. Nëse më duhet të mbroj Leandron, do ta mbroj. Këto vajza kërkojnë famën me çmimin e prishjes së familjeve.” Një festë që la skorje dhe që, sipas asaj që thonë mediat argjentinase, ka ndarë dhomën e zhveshjes së Seleccion.
Un gol inolvidable de un patriOTA 🇦🇷
¡Vamos #Argentina! 💪💙 pic.twitter.com/CTt0gJECUF
— 🇦🇷 Selección Argentina ⭐⭐⭐ (@Argentina) November 22, 2023