Momente e një ankthi të madh e një shqetësimi në rritje brenda kombëtares italiane të tenisit për femra. Postimi i publikuar në rrjetet sociale nga kapitenia Tathiana Garbin, e cila iu nënshtrua një operacioni dy javë më parë për të reduktuar një tumor të rrallë, ka tronditur ambjentin. Atletja veneciane konfirmoi se ishte shtruar sërish në spital pas disa komplikimeve për shkak të operacionit të dytë që u bë në spitalin Cisanello në Pizë.
“Përshëndetje të gjithëve, më vjen keq t’ju informoj se pas komplikimeve të lidhura me operacionin, u shtrova sërish në spital. Pavarësisht gjithçkaje, përpiqem të mbaj moralin tim të lartë dhe të vazhdoj të besoj në strukturën që po kujdeset për mua në mënyrën më të mirë të mundshme”, ka shkruar Garbin në një histori në Instagram, duke lënë të shqetësuar tifozët e saj dhe adhuruesit e tenisit italian.
View this post on Instagram