Facebook po nxjerr një mjet të ri që i lejon të gjurmojë linqet në të cilat përdoruesit klikojnë.
Sistemi i ri, i quajtur “historia e linqeve”, është një katalog i faqeve të internetit që njerëzit kanë vizituar brenda Facebook. Ai ruhet në një vend dhe vizitorët mund të lundrojnë përsëri në të për të parë se ku kanë klikuar.
Facebook po e reklamon veçorinë e re si një mënyrë për të ruajtur lidhjet që përndryshe mund të humbasin ose harrohen. “Kthehuni me lehtësi te lidhjet e fundit që keni vizituar me aktivitetin tuaj të shfletimit në Facebook të ruajtur tani në një vend,” lexohet në faqe.
Funksioni është aktivizuar si parazgjedhje, por mund të çaktivizohet. Ai gjithashtu nuk po shpërndahet për të gjithë, me Facebook që thotë se “do prezantohet globalisht me kalimin e kohës dhe mund të mos jetë i disponueshëm në vendndodhjen tuaj”./Lapsi.al