Ndryshimi i temperaturat nën zero përveç të ftohtit ka sjellë problematika të tjera për banorët e Bulqizës. Prania e ujit ka bërë që rrugët e lagjes së re të qytetit të Bulqizës të jenë të paqarkullueshme pasi uji ka ngrirë.
Qytetarët shprehen se shkak i kësaj situate është prania e ujërave në sipërfaqe. Ata thonë se punimet që po kryhen për ndërtimin e rrjetit të ujërave të ndotura në këtë lagje, kanë bërë që të ketë prani të ujit në sipërfaqe. Ata kërkojnë që të merren masa sa më parë për eliminimin e këtyre ujërave, pasi temperaturat e ulëta do të vijojnë dhe prania e akullit i rrezikon.
Situata në këto rrugë përkeqësohet akoma më shumë kur ka reshje shiu. Por sipas banorëve shiu nuk është i vetmi faktor pasi edhe prania e ujërave të zeza sjell këtë problematikë.