Në suksesin e madh të Atalantës në San Siro kundër Milan, kishte vend edhe për elozhet për kapitenin e kombëtares së Shqipërisë Berat Gjimshiti. Jo vetëm performancë në total, por në veçanti një episod ka tërhequr vëmendjen e tifozëve dhe të vetë klubit bergamask. Në minutën e 47′ qendërmbrojtësi që kishte dalë përpara për një goditje këndi në favor, pa kundërsulmin e Milan të rrezikonte portën e tij.
Atëherë, Gjimshiti nisi një sprint të vërtetë për të ndalur Leao e të tjerët, duke përshkuar afërsisht 80 metra në vetëm 10 sekonda. Camesecchi, portieri i Atalantës, e përfaqoi duke e kuptuar se ajo ndërhyrje vlente pothuaj një gol. E tani kanë ardhur edhe elozhet e klubit. Në faqen zyrtare, Atalanta e krahason mbrojtësin kuqezi me Usain Bolt, si për t’i vlerësuar sprintin kur kishte kaluar gjysma e ndeshjes.
Për kronikën, Atalanta arriti të fitonte me shifrat 2-1 dhe të kualifikohej në gjysëmfinale të Kupës së Italisë. E mes zhurmës së arritjes së madhe është edhe performanca e kapitenit tonë Gjimshiti, gjithnjë e më lider edhe te bergamaskët.
Usain #Djimsiti 🏃♂️🥵#CoppaItaliaFrecciarossa #GoAtalantaGo ⚫️🔵 pic.twitter.com/55tTVoeXP4
— Atalanta B.C. (@Atalanta_BC) January 12, 2024