Një banesë është shkrumbuar nga flakët në fshatin Kodhel, Lezhë.
Gazetari Elidon Ndreka raporton se familja prej pesë anëtarësh ka mbetur tashmë në qiell të hapur, pasi një shkëndije elektrike u dogji të gjithë banesën.
Djali i shtëpisë tregon momentet e para kur ranë flakët.
Sipas tij, zjarri ka nisur në tavan, ndërsa familjarët ndodheshin në gjumë dhe sapo kanë parë flaket kanë dale menjëherë jashtë banesës.
I zoti i shtëpisë Land Marku tha se banesën sapo e kishte ndërtuar dhe se tashme e gjitha është shkrumbuar.
Lezhë/Informacion paraprak
Rreth orës 08:30, në banesën e shtetasit L. M., ka rënë zjarr dhe për pasojë është djegur banesa ku janë shkaktuar vetëm dëme materiale.
Paraprakisht dyshohet se zjarri ka rënë aksidentalisht, si pasojë e shkëndijës elektrike.
Shërbimet zjarrfikëse dhe policia ndondhen në vendngjarje ku po punojnë për zbardhjen e plotë të shkakut të rënies së zjarrit dhe për sqarimin e rrethanave të ngjarjes.