Një unazë e zezë në gishtin unazor të dorës së majtë. Bizhuteria në gishtin e Cristiano Ronaldo ngjalli kureshtjen në radhë të parë për situatën sentimentale të kampionit portugez. CR7 është i lidhur me Georgina Rodriguez, por ata nuk janë të martuar. E nuk e kanë bërë këtë larg syve kureshtarë dhe as ai rreth i zi nuk mund të përkufizohet si një premtim dashurie. Nëse nuk është unazë martese, çfarë është? Në realitet është një pajisje teknologjike që CR7 përdor për të monitoruar të gjithë parametrat jetikë.
Kujdesi obsesiv për trupin e tij dhe fiksimi për të qenë në formë janë proverbiale kur bëhet fjalë për kampionin portugez. Dieta që Ronaldo ndjek është ikonike, si dhe trajtimet terapeutike të cilave i nënshtrohet, duke i kushtuar vëmendje të madhe integritetit të muskujve. Për më tepër, ai vetë nuk bën asgjë për të fshehur se si kujdeset veçanërisht për të pasur një trup të skalitur dhe, në të njëjtën kohë, për të mbajtur veten në shëndet të përsosur si një sportist që në pragun e 40 viteve (në shkurt do të mbushë 39 vjeç) ushqen imazhin e suksesit.
UNAZA INTELIGJENTE
Loja e fjalëve ndihmon për të përmbledhur se cilat janë karakteristikat e atij objektiv që është pjesë e pajisjeve të fitnesit. Unaza është bërë nga kompania finlandeze Oura Health dhe është një lloj asistenti kompjuterik që monitoron orët e gjumit, rrahjet e zemrës dhe funksionet e trurit. Në çdo kohë, pesë herë fituesi i Topit të Artë mund të monitorojë se çfarë po ndodh me trupin e tij, nëse është në gjumë apo zgjuar. Një përmbledhje informacioni e mbyllur në atë pajisje me diametër të vogël që bashkon rrahjet e zemrës, ritmin e frymëmarrjes, temperaturën e trupit dhe lëvizjen, duke dërguar të dhëna te një aplikacion për smartphone për të kontrolluar rezultatet.
Argjend, e zezë, stealth dhe ari janë ngjyrat e disponueshme. Çmimi, në varësi të modeleve më të shtrenjta dhe me një numër më të madh funksionalitetesh, mund të arrijë edhe rreth 400 euro. Për sa i përket përdorimit të tij, në vitin 2020 u miratua gjithashtu për të regjistruar evolucionin e pandemisë dhe efektet e Covid tek njerëzit e infektuar nga kjo sëmundje.
هـدفٌ من أهدافه التي لا تُعـدّ ولا تنسـى 🤩
كريستيانو رونالدو يُسجل هدف #النصر الثالث على الاخدود 🔥🔊 https://t.co/cYAcyw4x0k pic.twitter.com/16ElV3uMcW
— نادي النصر السعودي (@AlNassrFC) January 12, 2024