Një 39-vjeçar është arrestuar për shitje kanabis dhe një 40-vjeçar është vënë nën hetim. Në kudër të megaoperacionit “Tempulli” u bë e mundur gjetja e një sasie lënde kanabisi në banesën e 39-vjeçarit E. K, ndërsa në banesën e të proceduarit R. K, u gjetën pesë fishekë armë gjahu.
Nga hetimet rezultoi se këta shtetas të dy banues në Roskovec bashkëpunonin për të siguruar sasi të lëndës kanabis e cila më pas ndahej në doza, me qëllim shitjen në lagje të ndryshme të qytetit të Beratit.
Lënda narkotike dhe municioni luftarak u sekuestruan nga shërbimet e policisë, në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.