Roma konfirmon se Marash Kumbulla i është bashkuar Sassuolos në formë huazimi deri më 30 qershor 2024. Mbrojtësi shqiptar, i cili iu bashkua verdhekuqve nga Hellas Verona në vitin 2020, bëri debutimin e tij kundër Juventus më 27 shtator të po atij viti. Në tre sezone, ai bëri 68 paraqitje për Romën, duke shënuar katër gola. Kumbulla ishte gjithashtu pjesë e skuadrës që fitoi UEFA Europa Conference League në maj 2022, në finalen e luajtur në Tiranë me Feyenoord.
Mbrojtësi shqiptar, asnjëherë i aktivizuar këtë sezon nga Mourinho është një përforcim i ri për repartin mbrojtës të jeshilzinjve. Sassuolo ka prapavijën ndër më të thyerat e Serie A me 37 gola të pësuar. Ish-lojtari i Veronës i bashkohet Andrea Belotti në listën e lojtarëve të shitur nga Roma: ‘Gallo’ do ta mbyllë vitin në radhët e Fiorentinës.
Lexo më tej: “Forca djema, unë jam me ju!” Kumbulla nuk luan që në maj, por e do kombëtaren në Europian
Marash #Kumbulla lascia la Roma e passa al Sassuolo in prestito: le immagini dopo la firma coi neroverdi.
🎥 @ivanfcardia pic.twitter.com/cwLBKM9A1T
— TUTTOmercatoWEB (@TuttoMercatoWeb) February 1, 2024
Tashmë Marash Kumbulla është zyrtarisht një lojtar i Sassuolo. Kontrata e mbrojtësit, të ardhur si huazim nga Roma, është depozituar siç raporton faqja e Lega Serie A. Operacioni mes verdhekuqve dhe jeshilzinjve u mbyll në bazë të një huazimi deri në fund të sezonit. Udinese, duke pasur parasysh dështimin për të shitur Nehuen Perez te Napoli, në fakt u tërhoq nga negociatat. Mëngjesin e sotëm në Milano futbollisti shqiptar i lindur në vitin 2000 ka firmosur kontratën me Sassuolo. Një lajm që duhet të kënaqë mbi të gjithë teknikun e kombëtares së Shqipërisë Sylvinho, që ka tashmë 6 muaj për të parë lojtarin të marrë minuta e të bëhet i rëndësishëm në vigjilje të Euro 2024.