Të gjitha të dhënat tregojnë nga Xabi Alonso. Tekniku aktual Jurgen Klopp çuditërisht ka shpallur lamtumirën e tij nga Liverpool sezonin e ardhshëm, duke lënë një vend bosh në një nga pankinat më prestigjioze në Evropë. E padyshim që të gjithë tashmë po nxitojnë për të identifikuar pasardhësin e gjermanit. Në fakt, ish-mesfushori spanjoll është emri i parë në listë, më i pëlqyeri nga tifozët dhe i vetmi që mund ta entuziazmonte Anfield, pas më shumë se tetë vitesh me Klopp si trajner.
Sipas SoFoot, drejtuesit e Reds po punojnë qartë në atë drejtim. Në fakt, nga Franca zbuluan se kontakti i parë mes Liverpool dhe Xabi Alonso ka ndodhur që në nëntor, kur shoqëria mori njoftimin nga Klopp për largimin e tij. Nisi menjëherë operacioni për të gjetur pasuesin, e që është orientuar në Gjermani, te njeriu që udhëheq Bayer Leverkusen. Kështu, terreni tashmë është testuar shumë përpara për të siguruar një nga trajnerët më të mirë në skenën evropiane.
Lexo më tej: Klopp lajmëron një vit pushim: “Kurrë më një skuadër angleze, edhe nëse do vdisja urie”
Ish-lojtari spanjoll ka veshur fanellën e Liverpool nga viti 2004 deri në vitin 2009 dhe do të ishte gati të rikthehej në Anfield me një detyrë të re dhe një mision shumë të vështirë për të kryer. Për momentin, megjithatë, nuk ka ardhur asnjë përgjigje nga ai, me Xabi Alonso që mbetet plotësisht i fokusuar te Leverkusen dhe te fitorja e mundshme e kampionatit që mund të ndryshojë të gjithë ekuilibrin në Bundesligë, duke thyer dominimin absolut të Bayern Munich.