Mysafirë të padëshiruar u shfaqën në Trigoria me rastin e përgatitjeve finale para Roma-Torino. Michele Orecchio, bashkëpunëtor i Juric te Torino, u identifikua i fshehur pranë qendrës sportive verdhekuqe të dielën. Një spiun i vërtetë, që mbërriti pranë fushave ku stërviteshin kundërshtarët e ardhshëm, për të vjedhur disa detaje në kuadër të ndeshjes në Olimpico.
Bashkëpunëtori i Juric u ndalua më pas nga policia që vepron çdo ditë në Trigoria. Orecchio kishte me vete disa pajisje teknologjike. I larguar nga forcat e rendit, për ndihmës trajnerin e Torinos kjo nuk do të ishte hera e parë. Vitin e kaluar ai ishte ‘kapur’ tashmë nga bashkëpunëtorët e Mourinho. Orecchio ishte kapur në Trigoria ndërsa me ndihmën e një droni spiunonte stërvitjen e udhëhequr atëherë nga José Mourinho. Në atë rast spiunin e dërguar nga Juric e pikasi asistenti i Special One Nuno Santos, që pasi e zbuloi anuloi seancën stërvitore.
— AS Roma (@OfficialASRoma) February 25, 2024
Megjithatë, epilogu në këtë rrethanë është i ndryshëm me bashkëpunëtorin e Ivan Juric, i cili ka për detyrë të shkruajë raportin për skuadrat kundërshtare të Torinos. Orecchio u largua nga Trigoria nga policia, ndërsa Daniele De Rossi dhe stafi i tij, të pavetëdijshëm për gjithçka, vazhduan seancën e tyre stërvitore normalisht në kuadër të ndeshjes në Olimpico të planifikuar për të hënën më 26 shkurt në orën 18:30.