Këto janë ditë në të cilat Suedia është tronditur për fatin e Kristoffer Olsson, mesfushorit 28-vjeçar të Midtjylland, i rritur në ekipin e të rinjve të Arsenal. Siç bën me dije federata suedeze, lojtari i lindur në vitin 1995 u shemb papritur në shtëpinë e tij ditët e fundit, pasi u ndje keq papritur. Aktualisht ai ndodhet i shtruar në spital në Danimarkë, në terapi intensive, me një respirator të lidhur për ta ndihmuar në frymëmarrje. Klubi i Midtjylland gjithashtu komunikon se Olsson është shtruar në spital pas një sëmundjeje “me sa duket akute, e lidhur me trurin”. Ata u kërkojnë mediave dhe tifozëve të respektojnë privatësinë e tij dhe të familjes.
KOMUNIKTA E MIDTJYLLAND
“Në dritën e zërave në rritje dhe spekulimeve rreth arsyes së mungesës së Kristoffer Olsson kohët e fundit, ne ndjehemi të detyruar ta bëjmë publik këtë njoftim. Lojtari 28-vjeçar i kombëtares suedeze humbi ndjenjat në shtëpinë e tij të martën më 20 shkurt. Ai u dërgua në Spitalin Universitar Aarhus, ku është shtruar dhe është lidhur me një ventilator. Kristoffer Olsson vuan nga një sëmundje në dukje akute, e lidhur me trurin, e cila nuk është për shkak të ndonjë dëmtimi të vetvetes dhe as shkak i faktorëve të jashtëm.
Një ekip ekspertësh mjekësorë danezë po punon aktualisht për të bërë një diagnozë dhe për të filluar trajtimin e duhur. Që nga shtrimi në spital, Kristoffer është rrethuar nga njerëzit e tij të afërt dhe anëtarë të stafit të FC Midtjylland dhe po trajtohet nga specialistë të fushës. FC Midtjylland kërkon urgjentisht nga publiku që të tregojë respekt dhe mirëkuptim, në mënyrë që Kristoffer, familja dhe mjekët të kenë qetësinë e nevojshme për të siguruar rikuperimin e tij në mënyrën më të mirë.
Të gjithë te FC Midtjylland janë padyshim të prekur thellë nga sëmundja e papritur e Kristoffer dhe mendimet tona dhe mbështetja e plotë shkojnë për Kristoffer dhe familjen e tij. FC Midtjylland nuk ka asnjë deklaratë të mëtejshme për të bërë në këtë moment, por ne do ta informojmë publikun kur të dalin informacione të reja të rëndësishme.”
MESAZHI I ARSENAL
Get well soon, Kristoffer.
We wish you a full and speedy recovery ❤️ https://t.co/ruRrMpiPI8 pic.twitter.com/0RQMAQjUtQ
— Arsenal (@Arsenal) February 27, 2024