“Real Madrid? Askush nuk e di se çfarë mund të sjellë e ardhmja.” Këto janë fjalët e Erling Haaland në konferencën për shtyp që parapriu ndeshjen e Champions League me Copenhagen. Edicioni i sotëm i gazetës spanjolle ‘As’ zbulon se çfarë fshihet pas këtij qëndrimi të mbajtur nga sulmuesi norvegjez. Para së gjithash, thekson faktin që nuk është e vërtetë që ardhja e Mbappe në Madrid ka mbyllur merkaton në hyrje për sulmues te Real. Pastaj është fakti që Haaland, pavarësisht se ka bërë mirë te City, ka ëndërruar gjithmonë për fanellën e bardhë.
Me pak fjalë, operacioni nuk është mbyllur plotësisht. Përfaqësuesja menaxheriale e norvegjezit Rafaela Pimienta ka në dorë një kontratë veçanërisht të favorshme për klientin e saj. Në fakt, ekziston një klauzolë që lejon Haaland të largohet nga Manchester City, nga vera e vitit 2024, në çdo klub tjetër përveç Premier League. Kjo shifër bie vit pas viti. Nëse sulmuesi do të rinovonte kontratën e tij që skadon në vitin 2027, sipas vullnetit të shprehur tashmë nga City dhe gjithmonë sipas ‘As’, Pimenta sigurisht që do të vazhdojë ta lërë derën hapur për t’i lejuar klientit të tij të ndryshojë fanellën. E vetmja fanellë për të cilën norvegjezi është vërtet i interesuar është ajo Blancos e Real Madrid.
PENGESA ËSHTË NË DETAJE
Për Florentino Perez, megjithatë, do të ishte problemi që të shpenzonte një shumë parash tepër e madhe edhe për një klub me burime të pafundme si Madrid. Bernabeu i ri me siguri do t’i lejojë Los Blancos të marrin burime të reja ekonomike (flitet për 150 milionë të tjera duke filluar nga sezoni i ardhshëm). Sidoqoftë, logjika e kufirit të pagës mund të përbëjë një problem të madh, duke qenë se tashmë është njoftuar, për shembull, se Mbappé nuk do të fitojë më shumë se Bellingham, duke marrë 30 milionë bruto në vit, që është 15 milionë neto për lojtarin, më pak se gjysma e asaj që fiton tani te PSG dhe e asaj që, pak a shumë, Haaland merr te City.
Lexo më tej: Haaland frikëson City, mund të largohet: pengesa Mbappé e klauzola prej 200 milionë euro
Për norvegjezin do të ishte më pas problemi i të drejtave të imazhit, të cilat në Mançester menaxhohen tërësisht nga lojtari. Ndërsa në Madrid është tendenca për të marrë gjysmën. Një situatë që ka qenë shkak për diskutim edhe me stafin e Mbappe. Të gjitha çështjet që mund të kapërcehen nga dëshira e Haaland për të realizuar ëndrrën e tij të fëmijërisë për të luajtur për Real Madrid.