Champions/ Misioni në strofullën e Atleticos, Inter me mendësinë e Stambollit: 'Muri i verdhë' tmerri i PSV

Në kërkim të përmbysjes së një goli defiçit, Atletico Madrid mirëpret Inter në Wanda Metropolitano për ndeshjen e dytë të 1/8 të Champions League. Zikaltrit fituan ngushtë 1-0 në ndeshjen e parë në San Siro tre javë më parë, falë një goditjeje në fund të pjesës së dytë nga Marko Arnautovic. Një vend në çerekfinalet e Champions e kërkon edhe Borussia Dortmund, kur të mirëpresë PSV Eindhoven në Westfalenstadion. Gjërat janë të hapura pas një barazimi 1-1 në ndeshjen e parë në Holandë tre javë më parë, kur penalltia e Luuk de Jong në pjesën e dytë anuloi avantazhin e ish-lojtarit të PSV-së, Donyell Malen.

ATLETICO MADRID – INTER

Atletico Madrid shpreson që Antoine Griezmann dhe Jose Gimenez të mund të kthehen në skuadër pasi kanë munguar në katër ndeshjet e fundit me dëmtime, përkatësisht në kavilje dhe kofshë. Lajmi i keq është se Thomas Lemar (tendinë e Akilit), Cesar Azpilicueta dhe Vitolo (të dy në gju) mbeten jashtë fushës. Gabriel Paulista ose Stefan Savic pritet të startojnë në qendrën e mbrojtjes nëse Gimenez nuk konsiderohet i gatshëm për të luajtur. Ndërsa Nahuel Molina mund të zëvendësojë Marcos Llorente në krahun e djathtë.

Triumvirati i mesfushës me Saul Niguez, Koke dhe Rodrigo De Paul pritet të mbetet i paprekur. Simeone shpreson që Alvaro Morata, i cili ka shënuar vetëm një gol në 10 paraqitjet e tij të fundit, mund t’i bashkohet në sulm holandezit Memphis Depay, i cili ka shënuar vetëm një herë në tetë daljet e fundit.

MUNGON NDËSHKUESI I VAJTJES

Sa i përket Inter, heroi i ndeshjes së parë Arnautovic do të mungojë për shkak të një dëmtimi në kofshë, ndërsa Carlos Augusto tërhoqi pulpën në fitoren e fundjavës së kaluar në Bologna. Të dy lojtarët bashkohen me Juan Cuadrado (tendina e Akilit) dhe Stefano Sensi (kavilje) në dhomën e trajtimit. Federico Dimarco pritet të zërë vendin e brazilianit Augusto në krahun e majtë, ndërsa Benjamin Pavard dhe Stefan de Vrij mund të zëvendësojnë Bisseck dhe Francesco Acerbi në qendër të mbrojtjes. Denzel Dumfries gjithashtu do të shtyjë për një rithirrje në krahun e djathtë, por Inzaghi mund të vendosë të qëndrojë me Matteo Darmian.

Lexo më tej: “Nuk kemi lindur në Stamboll”. Inzaghi sfidon Atleticon: “Nuk spekulojmë me rezultatin e parë”

Nicolo Barella, Hakan Calhanoglu dhe Henrikh Mkhitaryan janë treshja më e mundshme për të startuar në qendër të mesfushës. Në sulm, golashënuesi më i mirë Martinez, i cili ka shënuar 26 herë në të gjitha garat, duke përfshirë katër gola në pesë paraqitjet e tij të fundit, do të kthehet në 11-shen e parë, në krah të Marcus Thuram.

FORMACIONET E MUNDSHME

Atletico Madrid:
Oblak; Molina, Savic, Witsel, Hermoso, Lino; Saul, De Paul, Koke; Depay, Morata

Inter Milan:
Sommer; Pavard, De Vrij, Bastoni; Darmian, Barella, Calhanoglu, Mkhitaryan, Dimarco; Thuram, Martinez

BORUSSIA DORTMUND – PSV EINDHOVEN

Dy shqetësimet e vetme të dëmtimit të Borussia Dortmund janë me sulmuesit Sebastien Haller dhe Samuel Bamba, të cilët mbeten jashtë fushës me probleme, përkatësisht në kavilje dhe probleme me muskujt. Felix Nmecha u rikuperua nga një dëmtim i kofshës për të bërë një paraqitje si zëvendësues në ndeshjen e fundit. Mesfushori do të shtyjë që të fitojë një vend si titullar, përpara Sabitzer ose Emre Can.

Mats Hummels mund të zëvendësojë Niklas Sule dhe të formojë dyshen me Nico Schlotterbeck në qendrën e mbrojtjes. Rivalitet edhe në zonën ofensive, me Karim Adeyemi dhe Marco Reus të vendosur për të sfiduar Sancho dhe Julian Brandt për të qenë titullar në 3/4 e fushës së bashku me Malen. Goli në ndeshjen e parë e bëri atë lojtarin e parë holandez që shënoi kundër një ekipi holandez në fazën eliminatore të Champions League.

TRIDHËMBËSH NË IDUNA PARK

PSV do të ketë mungesën e rëndësishme të Noa Lang, jashtë për një periudhë të gjatë për shkak të një dëmtimi të kofshës. Më optimiste, por akoma në dyshim, është situata e Joey Veerman dhe Ismael Saibari, të cilët munguan në fitoren e fundjavës së kaluar ndaj Go Ahead Eagles. Të dy vuajnë nga dëmtime muskulore dhe do të vlerësohen përpara takimit. Guus Til, Mauro Junior dhe Malik Tillman janë të gjitha opsionet për të filluar në qendër të mesfushës, së bashku me Jerdy Schouten nëse Veerman dhe Saibari nuk konsiderohen të përshtatshëm për të luajtur.

Tillman, megjithatë, mund të zëvendësohet nga ylli i skuadrës Johan Bakayoko, i cili pushoi në fundjavë. Belgu do t’i bashkohet Hirving Lozanos dhe golashënuesit më të mirë De Jong – i cili ka kontribuar me shtatë gola dhe katër asiste në tetë paraqitjet e tij të fundit – në një sulm me tre persona.