Lajm i keq për Empolin, por edhe kombëtaren e Shqipërisë dhe teknikun Sylvinho. Kontrollet kanë evidentuar dëmimin në kofshë të mbrojtësit Ardian Ismajli, të pësuar në ndeshjen Milan-Empoli, duke zyrtarizuar edhe kohët e rikuperimit për lojtarin kuqezi.
Ky është shënimi i publikuar nga klubi toskan: “Klubi i Futbollit Empoli njofton se testet instrumentale të cilave iu nënshtrua lojtari Ardian Ismajli, i cili doli para kohe në ndeshjen e fundit kundër Milan, kanë nxjerrë në pah një dëmtim të shkallës së ulët të bicepsit femoral në kofshën e majtë”. Kështu, Ismajli do të mungojë në ndeshjen e radhës të kampionatit dhe do të rikthehet në fushë pas pauzës së kombëtareve. Mbrojtësi do të përpiqet të jetë në fushë kundër Inter, kur kampionati të rifillojë të shtunën më 1 prill.
Lexo më tej: Zyrtarizohet sfida me dy herë fituesit e Kupës së Amerikës: ja data dhe vendi i miqësores
Sidoqoftë, koha jashtë fushës është e mjaftueshme që Ismajli të humbasë dy miqësoret e fundit të marsit të kombëtares. Në 22 mars kuqezinjtë do të luajnë në Parma kundër Kilit, ndërsa tre ditë më pas, më 25 mars, në Stokholm kundër Suedisë. Një goditje e fortë për Sylvinho, që sidoqoftë mund t’i japë një shans Marash Kumbullës, që ka nisur të marrë minuta me Sassuolo.
Report medico su Ardian Ismajli ⬇https://t.co/qLq9ZfDhsI
— Empoli Football Club Official (@EmpoliFC) March 13, 2024