Dhoma e Përfaqësuesve (ose Kongresi Amerikan) miratoi një projekt-ligj të mërkurën që i kërkon pronarit të TikTok, ByteDance, të shesë platformën e mediave sociale ose të përballet me një bllokim total në Shtetet e Bashkuara.
Votimi ishte dërrmues, me 352 anëtarë të Kongresit që votuan pro dhe vetëm 65 kundër. Projektligji, i cili u votua me shpejtësi pasi u miratua unanimisht nga një komitet javën e kaluar, i jep kompanisë ByteDance me bazë në Kinë 165 ditë për të hequr dorë nga TikTok. Nëse jo, dyqanet (platformat) e aplikacioneve duke përfshirë dyqanin e aplikacioneve Apple App Store dhe Google Play do të ndalohen ligjërisht të ofrojnë TikTok.
Votimi në Dhomën e Përfaqësuesve përfaqëson kërcënimin më konkret për TikTok në një betejë të vazhdueshme politike mbi akuzat se kompania me bazë në Kinë mund të mbledhë të dhëna të ndjeshme të përdoruesve dhe të censurojë përmbajtjen mbi baza politike. TikTok ka deklaruar vazhdimisht se nuk ka ndarë dhe nuk do të ndajë të dhënat e përdoruesve të SHBA me qeverinë kineze.
Pavarësisht këtyre argumenteve, TikTok u përball me një tentativë ndalimi nga Donald Trump në vitin 2020 dhe një ndalim në nivel shtetëror u miratua në Montana në 2023. Gjykatat i bllokuan të dyja këto ndalime për shkak të shkeljeve të amendamentit të parë dhe Trump që atëherë ka ndryshuar qëndrimin e tij, duke kundërshtuar tani një ndalim të TikTok.
Komiteti i Thesarit për Investimet e Huaja në Shtetet e Bashkuara (CFIUS) në mars 2023 kërkoi që ByteDance të shiste aksionet e tyre TikTok ose të përballet me mundësinë e ndalimit të aplikacionit, raportoi Reuters, por asnjë veprim nuk është ndërmarrë.
Por që bllokimi të hyjë në fuqi, ligji ndaj TikTok duhet të votohet edhe në Senatin amerikan.
Lexo më tej: SHBA drejt ndalimit të TikTok, Dhoma e Përfaqësuesve i jep dritën jeshile projektligjit
E ardhmja e projektligjit është më pak e sigurt në Senat. Disa demokratë të Senatit e kanë kundërshtuar publikisht projektligjin, duke përmendur shqetësimet e lirisë së fjalës dhe sugjerojnë masa që do të trajtonin shqetësimet e ndikimit të huaj në mediat sociale pa synuar në mënyrë specifike TikTok. “Ne kemi nevojë për kufizime në mediat sociale, por ne kemi nevojë që ato frenime të zbatohen tek të gjitha rrjetet sociale,” tha senatorja Elizabeth Warren.
Senatori demokrat Mark Warner, i cili propozoi një projekt-ligj të veçantë vitin e kaluar për t’i dhënë Shtëpisë së Bardhë kompetenca të reja mbi TikTok, tha se ai kishte “disa shqetësime në lidhje me kushtetutshmërinë e një qasjeje që emërton kompani të veçanta”, por do t’i hedhë “një vështrim nga afër këtij ligji”.
Shtëpia e Bardhë e ka mbështetur legjislacionin, me sekretaren e shtypit, Karine Jean-Pierre, duke thënë se administrata dëshiron “të shohë të realizohet ky projektligj në mënyrë që të mund të shkojë në tryezën e presidentit”.
Autorët e projektligjit kanë argumentuar se ai nuk përbën një ndalim, pasi i jep ByteDance mundësinë për të shitur TikTok dhe për të shmangur bllokimin në SHBA. Përfaqësuesi Mike Gallagher, kryetari republikan i komitetit të zgjedhur të Dhomës së Përfaqësuesve të Kinës dhe Përfaqësuesi Raja Krishnamoorthi, demokrati kryesor i panelit, prezantuan legjislacionin për të adresuar shqetësimet e sigurisë kombëtare të paraqitura nga pronësia kineze e aplikacionit.
(Përfaqësuesi Mike Gallagher, kryetari republikan i komitetit të zgjedhur të Dhomës së Përfaqësuesve të Kinës.)
“TikTok mund të jetojë dhe njerëzit mund të bëjnë çfarë të duan në të, me kusht që të ketë ndarje (nga Kina)”, tha Gallagher, duke u kërkuar investitorëve amerikanë të ByteDance që të mbështesin shitjen e TikTok. “Nuk është një ndalim. Mendoni për këtë si një operacion të krijuar për të hequr tumorin dhe në këtë mënyrë për të shpëtuar pacientin në proces.”
TikTok, i cili ka 170 milionë përdorues në SHBA, ka argumentuar të kundërtën, duke deklaruar se nuk është e qartë nëse Kina do të miratojë ndonjë shitje.
“Ky legjislacion ka një rezultat të paracaktuar: një ndalim total të TikTok në Shtetet e Bashkuara,” tha kompania pas votimit të komisionit. “Qeveria po përpiqet t’i heqë 170 milionë amerikanë nga e drejta e tyre kushtetuese për shprehje të lirë. Kjo do të dëmtojë miliona biznese, do t’u mohojë artistëve një audiencë dhe do të shkatërrojë jetesën e krijuesve të panumërt në të gjithë vendin.”
Pas miratimit të projektligjit nga komiteti, stafi u ankua se mbështetësit e TikTok kishin vërshuar Kongresin me telefonata, pasi aplikacioni nxori një njoftim që u kërkon përdoruesve të kundërshtojnë legjislacionin.
“Pse anëtarët e Kongresit ankohen për të dëgjuar zgjedhësit e tyre? Me respekt, a nuk është kjo puna e tyre?” TikTok tha në X.
Megjithëse projektligji u shkrua duke pasur parasysh TikTok, është e mundur që platforma të tjera në pronësi të Kinës mund të preken, duke përfshirë operacionet amerikane të Tencent-it, “WeChat”, të cilën Trump gjithashtu kërkoi ta ndalonte në vitin 2020. Gallagher tha se nuk do të spekulonte se çfarë ndikimesh të tjera ligji mund të kishte, por tha se “duke shkuar përpara ne mund të debatojmë se cilat kompani përfshihen” nën projektligj.
The Guardian, përshtati në shqip ©LAPSI.AL
TASH DO TJU LERE KARI STRATEGJIK EDHE PA TIKTOK
KOLONI MUTI SHKERDHATE
Per ty o mut muti do kete mut ne tik- tok. Poper kinezin qe slejon asnje cocial media te huaj pse nuk thua ndonje gje?
Ja demokracia Ameriqene qe perdori Tik Tok si Kale Troje per te hequr te gjitha faqet e lajmeve ose organizatat kundershtate te qeverise. Sistemi feudalist fashist
Kinezi .i ka rruget dhe Aeroportet dhe sistemin Social shume me te mira se Ameriqia dhe Kinezi te pakten nuk e heq veten demokraci dhe te kolonizoj te tjeret nen emrin e Demokracise. Amerika te can karin me demokraci lur njerzit po ju vdesin per buke dhe rruget e mbushura me kampe te pastrehesh. Amerika deklaron veten demokraci dhe ketej eshte me keq se Kina
shpeto njehere nga kolonizmi amerikan qe te shohesh qarte