Zhgënjim te Juventus pas barazimit 0-0 në shtëpi ndaj Genoas. Një barazim që i dërgon bardhezinjtë (të tretët në renditje) -3 pas Milan, i cili fitoi 1-3 në Bentegodi ndaj Veronës. Një ndeshje, ajo e Allianz Stadium, në të cilën u pa qartë mungesa e ‘feeling’ mes Chiesa dhe Vlahovic, të rreshtuar që në minutën e parë nga Max Allegri.
CHIESA E VLAHOVIC, MUNGON MIRËKUPTIMI
Në fund të pjesës së parë, bardhezinjtë patën një mundësi të madhe në kundërsulm, i cili megjithatë u shpërdorua nga Vlahovic dhe Chiesa. Serbi tentoi t’i shërbente numrit 7 në zonë, por Chiesa megjithatë nuk arriti të kuptonte pasimin e shokut të sulmit. Një episod që nuk i ka pëlqyer Vlahovic, i inatosur dukshëm me shokun e tij të skuadrës, i cili iu përgjigj në të njëjtën mënyrë. Pavarësisht rastit të humbur, tekniku Allegri i duartrokiti të dy.
— Serie A Out of Context (@calcionocontext) March 17, 2024
VËSHTRIME AGRESIVE MES CHIESA E VLAHOVIC
Pasi pjesa e parë u arkivua dhe përfundoi në kontestimin e tifozëve bardhezinj, fazat fillestare të pjesës së dytë u shënuan edhe nga mungesa e dialogut dhe mirëkuptimit mes dy sulmuesve të Juventus. Chiesa u zëvendësua në minutën e 59′ (Yldiz në vendin e tij). Pas largimit nga fusha, numri 7 shënjestroi sulmuesin serb, siç nënvizoi Caressa në Sky Sport: “Ai dhe Vlahovic shkëmbyen disa shikime të pakëndshme. Megjithatë, ata i dinë arsyet”.
Lexo më tej: Shtatë pikë në tetë ndeshje, shpërthen Allegri: “Bëj trajnerin, jo politikanin. Nuk shkoj pas publikut”
Kështu, në fund, Vlahovic u përjashtua me karton të kuq (do të mungojë ndaj Lazios pas pauzës) për shkak të protestës ndaj gjyqtarit Giua. Klima nuk është sigurisht më e qeta në dhomat e zhveshjes së Juventus.