Kanë mbetur edhe tre muaj deri në fillimin e Kampionatit Evropian të Futbollit që do të mbahet në Gjermani. Ekipet kombëtare po përmirësojnë taktikat në funksion të rishikimit kontinental dhe trajnerët po përballen me dyshimet se kë të sjellin në turneun gjerman. Por nëse ka ekipe kombëtare që kanë lojtarë të nivelit të lartë dhe që bëjnë diferencën, të tjerët janë ende në kërkim të atyre që mund të ndryshojnë fatet e skuadrës. Mes këtyre të fundit është edhe Italia e teknikut Luciano Spalletti që po përballet me probleme serioze në sulm, përpara ndeshjes hapëse kundër Shqipërisë. Nuk ka asnjë sulmues me dopio shifra që mund të jetë aktualisht shtylla qendrore e sulmit të të kaltërve. Një fakt vërtet tronditës kur krahasohet me sulmet e kombëtareve të tjera.
100 GOLA MË PAK SE ANGLIA
Një analizë e raportuar nga Eurosport tregon se si sulmi i Italisë është vite dritë larg nga ai i ekipeve kryesore kombëtare. Duke marrë në konsideratë sulmuesit e mundshëm të thirrur nga Spalletti, del se sulmi i tyre, i përbërë nga Orsolini, Lucca, Retegui, Chiesa, Raspadori, Zaccagni, Zaniolo, ka shënuar vetëm 44 gola deri më tani këtë sezon. Shifra është alarmante kur krahasohet me repartin sulmues anglez që është në kuotën 144 të drejtuar nga Kane, Foden dhe Rashford, pa llogaritur Bellingham që konsiderohet mesfushor.
Lexo më tej: Manaj, Cikalleshi e Muçi me dopio shifra, Uzuni i ndjek: goleadori më ‘i dobët’ kuqezi është Broja
Por edhe Franca i tremb të kaltrit: vetëm Mbappe ka shënuar të njëjtat gola me sulmuesit kundërshtarë të Sylvinhos të bashkuar. Në këtë renditje speciale, Italia është e nënta pas të gjitha skuadrave të mëdha europiane. Të fitosh pa shënuar do të jetë një detyrë e vështirë, e ajo që gëzon është Shqipëria.
💪 Djemtë tanë kanë kryer seancën e fundit stërvitore në "Shtëpinë e Futbollit" para miqësores me Kilin
🇦🇱 Shqipëri 🆚 Kili 🇨🇱
📆 22 mars, 20:45, 📍Parma, Itali#fshf #kombetarja #vishukuqezi #dyqanionline #macron pic.twitter.com/dbPnY8Hg7c— FSHF (@FSHForg) March 20, 2024