Në bilbilin e hapjes së Kampionatit Evropian të Spanjës, Lamine Yamal ka shkruar tashmë historinë. Sulmuesi i Barcelonës, i cili startoi titullar në ndeshjen debutuese në EURO 2024 kundër Kroacisë nga trajneri De La Fuente, u bë lojtari më i ri ndonjëherë që ka luajtur një ndeshje në fazën finale të një kampionati europian: 16 vjet e 338 ditë. Rekordi i portierit polak Kacper Kozloëski, i vendosur në qershor 2021, kur ai sfidoi Spanjën me 17 vjet e 246 ditë, nuk zgjati shumë.
Synimi i radhës i Yamal, tashmë një protagonist absolut me Barcelonën këtë sezon, është të bëhet golashënuesi më i ri ndonjëherë në Kampionatin Evropian, duke i hequr rekordin zviceranit Vonlanthen që zgjat që nga viti 2004 (18 vjet e 141 ditë). Detyra e Italisë dhe Shqipërisë është ta ndalojnë, të paktën në grupe.
Lexo më tej: Video/ Spanja, debutim spektakolar: tris ndaj Kroacisë e për Modric, Shqipëria bëhet vendimtare
Në moshën 16-vjeçare dhe me detyrat e pushimeve për t’i përfunduar në grumbullimin me Spanjën, Yamal tashmë krenohet me më shumë se 50 paraqitje për Barcelonën midis La Liga dhe Champions League, duke nxitur krahasime të rëndësishme me Lionel Messin. Ndërkohë, Yamal do të kërkojë të lërë gjurmën e tij të dytë në Euro 2024, si golashënues, që në sfidën e dytë kundër Italisë.
🇪🇸 Lamine Yamal writes his name in the record books as youngest player to feature at a EURO 👏#EURO2024
— UEFA EURO 2024 (@EURO2024) June 15, 2024