6 muaj pasi i dha fund fejesës me këngëtaren Lady Gaga, Christian Carino duket se ka mundur ta lërë gjithçka pas, duke nisur një lidhje të re dashurie. Sipas ‘UsWeekly’ 50-vjeçari është tashmë në një lidhje me publicisten Robin Baum. Dyshja ka vendosur të ruajë një raport larg vëmendjes së mediave, duke u treguar tepër të kujdesshëm për lidhjen e tyre.
Christian u nda nga Gaga në muajin shkurt, ku sipas komenteve në rrjet, shkak për këtë vendim u bë xhelozia e tepruar e tij, e cila erdhi fill pas momentit kur Lady luajti rolin protagonist krah Bradley Cooper në filmin ‘A Star Is Born’.