Manchester City i Pep Guardiolës dominon në shtëpi kundër Wolverhampton, i mposhtur 3-0. Vendimtar, e nuk është më risi, Erling Haaland që shënoi një tregolësh. Norvegjezi zhbllokoi ndeshjen në pjesën e parë (40′). Pastaj e mbylli me dy gola në fillim të pjesës së dytë (50′), 54′). Citizens ngjiten në 45 pikë në renditje. Ndërkohë, ndeshja mes Leeds dhe Brentford përfundoi pa gola (0-0).
MANCHESTER CITY-WOLVERHAMPTON 3-0
Gjithçka e lehtë për Manchester City, që fshiu Wolverhampton me një 3-0 të pastër. Skuadra e Guardiolës vendosi menjëherë ritmin e lojës, duke luajtur një pjesë të parë me nivel teknik shumë të lartë. Avantazhi i vendasve erdhi në minutën e 40′, me boshtin e zakonshëm De Bruyne-Haaland. Asist i belgut për goditjen fituese me kokë të norvegjezit. Në fillim të pjesës së dytë, Citizens mbylli historinë. Në minutën e 50′ Haaland bëri rezultatin 2-0, duke shënuar me penallti. Katër minuta më vonë erdhi 3-0, me gabimin e portierit mik Jose Sa që i dhuroi topin Mahrez në hyrje të zonës. Algjeriani shërbeu për Haaland që shënoi tregolëshin personal. Përfundoi 3-0, me Manchester City që ngjitet në 45 pikë në tabelë. Wolves mbeten në 17, afër zonës së rënies.
LEEDS-BRENTFORD 0-0
Leeds dhe Brentford ndajnë pikët. Në Elland Road ndeshja përfundoi 0-0. Një pjesë e parë me ritme jo shumë të larta, me vendasit më pranë shënimit se miqtë. Në pjesën e dytë intensiteti u rrit, po ashtu edhe shanset për skuadrën e Marsch. Në fund edhe miqtë u shfaqën përpara, por ndeshja përfundoi pa gola për të dy skuadrat. Përfundoi 0-0 dhe pa shumë emocione. Me këtë pikë, Brentford ngjitet në kuotën 30 pikë në renditje, ndërsa Leeds shkon në 18 pikë.
Lexo më tej: Video/ Në Anfield rezultati që nuk e donte askush: Liverpool e Chelsea gjithnjë e më larg Champions