Në muajin janar të këtij viti, futbollisti i njohur Emiliano Sala u shpall i humbur pasi ishte nisur në një udhëtim me avion, ndërsa një muaj më pas u gjet edhe trupi i tij i vdekur.
Humbja e tij tronditi botën dhe situata u rëndua më shumë kur në rrjet nisën të qarkullojnë foto të trupit të vdekur të futbollistit.
Fillmisht, fotot u publikuan nga drejtori i një kompanie në “CCTV” dhe punojësja e tij.
Christopher Ashford 62 vjeç dhe Sherry Bray 49 vjeç janë dënuar nga Gjykata Swindon Crown për shkak të publikimit të pamjeve të tmerrshme.
Ashford mori 4 muaj burg, ndërsa Bray u dënua me 14 muaj. Ata e pranuan përpara gjykatës se kishin shkelur ligjin.
Motra e 28-vjeçarit Sala ka rrëfyer tmerrin që kanë përjetuar kur kanë parë pamjet e trupit të Emiliano-s pas vdekjes.
“Si mund të ketë kaq njerëz të ligë dhe të këqij si ata që publikuan foton? Pashë foto të trupit të vëllait tim në Instagram e kudo tjetër. Nuk i harroj ato foto, nëna ime vazhdon të jetë e shokuar!”- është shprehur ajo.
Emiliano Sala sapo kishte firmosur kontratën me Cardiff City, kur të gjithë u tronditën nga rrëzimi i avionit të tij më 21 janar të këtij viti.
Burimi: tiranapost.al