Këngëtarja Mariza Ikonomi ka treguar së fundmi arsyen e largimit të saj nga Shqipëria për të jetuar në Karaibe.
E ftuar në “Tempora” ajo rrëfeu se e kishte të nevojshme të shkëputej nga Tirana pasi po përjetonte divorc muzikor.
Ikonomi: Po përjetoja një divorc muzikor, nuk po krijoja më. Kisha arritur në një pikë që ndoshta isha pak dembele për gjërat e mia, nuk po reagoja as nga situatat e ndryshme që krijoheshin, kisha arritur në një lloj indiference që thoja se nuk jam unë kjo. Nuk po gjeja muzën. Vendosa që do të gjeja një mënyrë për tu larguar për ca kohë. Nga ana personale kam zbuluar shumë gjëra, por ajo që mund të ndaj me publikun është se nuk ka rëndësi ku je, por të bësh atë që do.
