Oneda Skënderi, studentja e drejtësisë e cila mori vëmendjen e të gjithëve në protestën e djeshme të opozitës, ishte e ftuar në emisionin “Ftesë në 5” në Top Channel. Ajo sqaroi se nuk është pjesë e asnjë partie politike dhe se pjesëmarrja në protestë ishte në mbështetje të kauzës. E pyetur sesi u gjend në protestë, duke mbajtur fjalim krah presidentit Meta, Skënderi tregoi se ftesa i ishte bërë nga organizatorët.
“Mora një ftesë nga organizatorët e protestës për të mbajtur një fjalim. Vendosa që të isha pjesëmarrëse duke qenë se e mbështes shumë kauzën dhe e ndjej shumë atë kauzë. Ndaj rashë dakord dhe isha pjesëmarrëse. Kur vendos të dalësh para shumë njerëzve, siç ishin atje, janë disa risqe që duhen marrë përsipër, kështu që unë i pranova ato”, – tha ajo. Oneda Skënderi ka qenë mjaft aktive edhe në protestën e studentëve në dhjetorin 2018. ©LAPSI.al
edhe mua ma bene ftesen…pranova! ha ha ha